Burela, 31 de xullo de 2021. O Concello de Burela asinará un convenio coa Universidade de Santiago de Compostela, a través da Escola Politécnica Superior de Lugo, co obxectivo de desenvolver determinados proxectos relacionados co medio ambiente, coa ecoloxía e coa sostenibilidade. Nas últimas horas tivo lugar un encontro entre representantes do Concello de Burela e da USC, segundo deu a coñecer o alcalde, Alfredo Llano.
O rexedor contou que “foi un día moi positivo e realmente motivador para executar proxectos que sexan importantes para o noso concello. Tivemos a visita de Rosa Mosquera, de Antonio Regueiro, de Xabier Santiago coa compañía de Toñi Eijo, concelleira de Medio Ambiente, Xacobe Casado, que é o funcionario técnico de Medio Ambiente e Cristian Pérez, que é un becario que estivo facendo aquí prácticas relacionadas co medio ambiente. Foi unha representación da Universidade de Santiago de Compostela, a través do Campus de Lugo, e sobre todo pertencentes á Escola Politécnica Superior de Lugo. Xa é a terceira ou cuarta conversa que temos e o que queremos facer desde o Concello de Burela é establecer un convenio de colaboración coa Universidade de Santiago de Compostela, a través da Politécnica de Lugo, para levar adiante proxectos importantes en cuestión de medio ambiente, relacionados coa ecoloxía e coa sostenibilidade, dado que nosoutros, como Concello, estamos metidos en temas como o Concello polo clima e pola enerxía e queremos desenvolver iniciativas que melloren as condicións ambientais e sanitarias no noso concello”.
Alfredo Llanos subliñou que “por iso nos parece tan importante esta colaboración que imos establecer coa Universidade de Santiago. Hoxe tivemos conversas nas que estivemos vendo todo o que pode ser importante para implicar proxectos determinados relacionados co medio ambiente, coa ecoloxía e coa sostenibilidade. Penso que levan unha boa impresión do noso concello, da diversidade de temas que temos aquí tanto de mar como de terra e de todos aqueles proxectos que queremos levar para adiante. Creo que é moi interesante porque a Universidade ten moita relación con proxectos europeos que nos veñen ben en temas de desenvolvemento, contidos e axudas para que nosoutros poidamos aplicalos en moitos aspectos, pero todos eles relacionados coa ecoloxía e co medio ambiente, e sobre todo coa sostenibilidade e cunha presentación do Concello de Burela en temas importantes para a saúde, o medio ambiente e a convivencia, vendo como combater problemas que hoxe están á orde do día como o cambio climático e buscando solucións desde o ámbito local para amplialo ao universal”.
O alcalde engadiu que “foi a primeira das visitas que fan a Burela e penso que quedaron contentos co que aquí se está traballando e co que se pretende. Esperamos compartir esta corresponsabilidade e estas iniciativas con eles. Imos ter outra conversa para asinar o convenio, en poucos días, e imos tratar xa de aplicar este convenio a un dos proxectos que queremos levar adiante. Son varios, pero eu quero concretar polo menos un ou dos que realmente se vaian facer xa a partir deste ano e desenvolvelos cara ao 2022. Temos na mesa e na mente varios proxectos que realmente consideramos que poden ser moi importantes de forma transversal e global para o noso concello de Burela”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
