Lugo, 6 de agosto de 2021. O voceiro do Grupo Provincial do Partido Popular, Javier Castiñeira, rexistrou esta mañá no Servizo habilitado para elo do Pazo de San Marcos, unha carta dirixida ao presidente da Deputación, a través da que se pon a disposición do mesmo “para iniciar o curso político cun verdadeiro proxecto de provincia” e suplir así “a inacción na que está sumida o goberno formado por socialistas e nacionalistas”.
O popular considera que “sería moi produtivo para os lucenses” manter unha reunión de traballo e “analizar -di na súa misiva- que debe facer o organismo provincial no que queda de mandato”. “Como ben sabe, acabamos de rematar o curso político e son moitos os proxectos que debería liderar a Deputación que preside, pero que non o está a facer, de cara a axudar á recuperación ao tecido socioeconómico da provincia. Dígollo sen ningún tipo de acritude, senón dende unha perspectiva totalmente construtiva, pois así nolo están a trasladar moitos veciños dos distintos Concellos de Lugo. E tamén llo digo coa vontade de tenderlle, unha vez máis, a man do Partido Popular para corrixir as eivas que a institución está a ter neste momento tan complicado”, relata Castiñeira no seu escrito.
O voceiro do PP recoñece que “non é sinxelo gobernar cos efectos dunha pandemia como a que temos, sobre todo, porque é unha situación novidosa, pero si que agardabamos que a Deputación se reinventase ou, polo menos, seguise a folla de ruta doutras administracións homólogas que si deseñaron proxectos e medidas destinadas a paliar os efectos da covid-19. Os lucenses agardábano, insisto”. Pero, engade, “xa vimos que non foi así e, tendo en conta que estamos no ecuador do mandato, moito nos tememos que non teñen previsto cambiar o rumbo e redirixir as súas políticas de actuación. Por este motivo, consideramos que non podemos iniciar o mes de setembro, e con elo o novo curso político, coa mesma dinámica regresiva. Esta provincia non o merece. Por coherencia e polo futuro dos lucenses, debemos dicirllo con sinceridade e con humildade”, manifesta.
“O actual goberno da Deputación de Lugo non é útil”
Deste xeito, Castiñeira considera que “o actual goberno da Deputación non é útil”. Proba delo é que “os alcaldes, os voceiros dos distintos grupos políticos e os propios veciños xa coñecen que o Plan de impulso económico da provincia non existe; que o desentendemento da rede viaria provincial é total e absoluto; que o proxecto Saborea a túa provincia é insuficiente; que a Deputación non deseñou ninguna partida para atallar a crise que deixa a covid-19; ou que a maior parte das propostas que lle plantexamos dende o PP sempre foron rexeitadas pese a estar propostas co ánimo de sumar”.
Por este motivo, conclúe: “este Grupo Provincial ponse á súa disposición como sempre o fixo, e agardo que fixe unha data e hora. Non se preocupe porque sexa agosto, este voceiro está á súa disposición porque entendemos e entendo que a situación o require e o esixe”, sentencia.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
