Ribadeo, 13 de agosto de 2021. O salón de plenos do Concello de Ribadeo acolleu a presentación do obradoiro de emprego Territorio Vivo no que participarán 16 mozas e mozos menores de 30 anos de Barreiros e de Ribadeo durante un ano. No mesmo vanse impartir dúas especialidades: Operacións de gravación e tratamento de datos e documentos e Interpretación e educación ambiental. No acto desta mañá participaron os alcaldes de Barreiros e de Ribadeo, Ana Ermida e Fernando Suárez, e o concelleiro de Desenvolvemento Local ribadense, Pablo Vizoso, así como a coordinadora do obradoiro, Ana Vázquez.
O edil ribadense explicou que “os Concellos de Ribadeo e Barreiros unen de novo as súas forzas para impulsar un obradoiro de emprego para persoas mozas, denominado Territorio Vivo, que iniciará a súa actividade con 16 mozas e mozos de Ribadeo e Barreiros menores de 30 anos que se atopaban desempregados e dous monitores, que estarán contratados durante un ano”.
Pablo Vizoso dixo que “neste obradoiro, cofinanciado no 91% polo Fondo Social Europeo e pola iniciativa de emprego xuvenil e na porcentaxe restante pola Consellería de Emprego e Industria, impartiranse dúas especialidades: Operacións de gravación e tratamento de datos e documentos e Interpretación e educación ambiental. Trátase dunha programación formativa integrada dirixida a obtención dun certificado de profesionalidade. Isto permitirá que o rematar a súa participación no obradoiro, os participantes estean en condicións de incorporarse ao mercado laboral”.
E subliñou que “o obxectivo principal que se quere conseguir é artellar un proxecto de xestión integral do patrimonio documental e natural que ámbolos dous concellos posúen, levando a cabo varias actuacións. O alumnado/traballador da especialidade de gravación de datos seguirá coa organización, clasificación e descrición da documentación dos arquivos municipais, elaborarán un tesauro da serie documental Libros de actas e asociado a este, crearán unha ferramenta de busca avanzada mediante descritores que permitirá realizar buscas por palabras clave dende a páxina web do arquivo, realizarán actividades de difusión do patrimonio documental: exposicións, visitas guiadas, etc, coa finalidade de concienciar á cidadanía e á sociedade en xeral sobre a importancia e o servizo que prestan os citados arquivos. E o alumando/traballador da especialidade de Interpretación e educación ambiental realizará visitas guiadas interpretadas a espazos naturais cun valor xeolóxico e medioambiental excepcional sitos en ámbolos dous concellos, encargaranse da programación e execución de talleres de educación ambiental para fomentar o uso racional dos recursos e o desenvolvemento sostible e implementarán estratexias innovadoras co uso das TICs coa creación dun centro de interpretación virtual do patrimonio natural”.
A alcaldesa de Barreiros, Ana Ermida, sinalou: “eu simplemente o que quero trasladarvos é a satisfacción de que se poidan desenvolver proxectos deste tipo en concellos pequenos, porque somos concellos pequenos con recursos moi limitados, e esta é unha mostra de que traballando conxuntamente da man e con lealdade e cooperación institucional pode reverter en beneficio dos territorios e das persoas que os ocupan. Simplemente esperar que aproveitedes moito esta experiencia, non só a nivel laboral senón tamén a nivel vital, que serva como unha experiencia para coller fondo para seguir esta carreira que é a vida”.
E o rexedor de Ribadeo, Fernando Suárez, pediulles compromiso e lealdade: “o que vos queremos pedir, tanto de Barreiros como de Ribadeo, é que cumprades, atendades, veñades e aprendades. Seguramente haxa cousas que para o futuro, concretamente nalgúns aspectos deste obradoiro, quizais non poida ter unha aplicación directa na vida profesional, igual os que veñen á gravación de datos de interpretación de actas do século XVII igual non hai moitas actas por aí do século XVII que interpretar despois, pero os métodos, o equipo de traballo e todo iso vos vai valer dunha maneira absolutamente positiva para outras moitas accións da vosa vida longa que tedes por diante”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
