Lugo, 23 de agosto de 2021. O goberno provincial acaba de demostrar unha vez máis, segundo o viceportavoz popular, José Antonio García, que o seu concepto da acción de goberno emparenta directamente coa arbitrariedade, o caciquismo e o sectarismo. A prensa recolleu esta fin de semana unha información na que o goberno presidido polo socialista José Tomé informaba de que La Diputación no descarta invertir en polígonos si se necesita. É dicir, despois de que o organismo provincial se negara sistematicamente a manter en vigor, como solicitou reiteradamente o PP, os compromisos adquiridos pola agora extinta sociedade Suplusa para a creación de solo industrial en 30 concellos, o goberno vén dicir que creará parques empresariais só se lle dá a gana e lle convén. José Antonio García considera que Tomé e o seu equipo pasarán á historia como o goberno provincial que permitiu que nos pequenos concellos da provincia desapareceran empresas por falta de solo para ampliar as súas instalacións ou para desenvolver iniciativas empresariais, xusto cando máis necesario é facilitar a aparición de novos proxectos e a creación de emprego.
García destaca que Suplusa tiña acordos con 30 concellos da provincia para crear solo industrial. Cando se tramitou a extinción de Suplusa, segundo lembra o viceportavoz popular, o goberno dicía que se manterían os compromisos adquiridos. Pero chegou a extinción de Suplusa, non houbo asunción dos convenios establecidos “e agora, nunha fin de semana de agosto, dísenos, nun delirante exercicio de propaganda, que a Deputación creará solo industrial segundo o seu criterio”. García engade: “Sabemos con seguridade que hai pequenos concellos nos que se están perdendo oportunidades, porque hai empresas que queren ampliar as súas instalacións e precisan solo industrial. E tamén hai autónomos que queren montar os seus negocios. Mentres, a Deputación, elude cumprir os compromisos adquiridos e abre a porta a crear parques empresariais seguindo criterios arbitrarios e sectarios”.
Os populares destacan que Suplusa tiña uns considerables activos que pasaron a ser directamente da Deputación e, entre os seus principais obxectivos, estaba a creación de solo industrial. Que pasa con eses activos?, se pregunta García. O mesmo representante popular di: “Está claro que ao goberno presidido por Tomé todo se lle volve propaganda. Falan da necesidade de asentar poboación, de loitar contra o despoboamento, algo no que concordamos todos os partidos. Pero, á hora da verdade, o goberno provincial actúa xustamente no sentido contrario”.
García destaca que as cantidades investidas na creación de solo industrial son recuperadas pola Deputación coa venda das parcelas. Por iso non entende a resistencia a cumprir coa súa obriga en concellos que teñen todo preparado para que a Deputación dea os pasos necesarios para crear o correspondente polígono, como é o caso de Riotorto, por citar só un exemplo. O viceportavoz popular sinala: “A creación destas infraestruturas non poden quedar totalmente á decisión que en cada momento resulte máis favorable para o goberno provincial; precísase unha planificación e iso era o que supoñían os convenios que Suplusa tiña establecidos con trinta concellos da provincia”
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
