RIBADEO (FNC) .- Concello de Ribadeo e Deputación Provincial de Lugo traballan conxuntamente desde onte na reparación dos danos causados polas inundacións e as riadas de hai dúas semanas. O alcalde agarda que o goberno do Estado concrete en breve as axudas que lles concederá aos concellos da Mariña afectados por este temporal.
Fernando Suárez manifestou que “nestes días nos que está a locir o sol plenamente seguimos traballando con toda a intensidade que podemos para tentar restaurar a normalidade que se perdeu por mor das chuvias de hai un par de semanas. De aí que a pala municipal continúe a traballar polas mañás e polas tardes, mobilizamos todos os medios para que cos dúas quendas se restauren o antes posible accesos ás vivendas, camiños, cunetas, etc e tamén agora coa maquinaria da Deputación que chegou onte e que teremos aquí durante 10 días decidimos, para que renda máis o traballo, achegar toda a nosa brigada de obras. Todos traballan conxuntamente para ser máis operativos e poder ir avanzando máis nestas medidas urxentes que se acometerán polas nosas parroquias para rebachear, para asfaltar…”.
O rexedor sinalou que “tamén estamos en coordinación coa Xunta de Galicia para ir repoñendo danos en pontes e para abordar cuestións relativas as canles s dos ríos e estamos á espera de que o Ministerio de Medio Ambiente concrete cal vai ser a axuda que o goberno do Estado lles dará aos Concellos afectados por este temporal de auga. Temos un tempo precioso para seguir traballando, pero que ninguén espere que en tres ou catro días volte a normalidade, despois dos importantes danos causados polas inundacións en Ribadeo”.
Suárez Barcia segue a visitar as parroquias máis afectadas como Arante ou Covelas “e aínda estamos a ver danos que nin os propios técnicos da Xunta e do Concello tiñan avaliados e que dan fe de que nunca como agora se produciron tantos danos. Toda axuda non só da Deputación senón tamén da Xunta e do Estado será necesaria para que concellos como o de Ribadeo e o resto da Mariña poidamos voltar á normalidade canto antes”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
