Viveiro, 09 de setembro de 2021. Os populares de Viveiro viron con satisfacción como na máis recente sesión plenaria municipal saíu adiante a súa moción para reclamar ao Goberno a non inclusión do lobo na Listaxe de Especies Silvestres en Réxime de Protección Especial. A proposta do PP contou cos votos a favor do PSOE, Por Viveiro e do concelleiro non adscrito; o BNG, abstívose. O portavoz popular, Óscar Rodríguez, aplaude o cambio de posición da alcaldesa, a socialista María Loureiro, que anteriormente, como deputada provincial votou na Deputación contra unha moción do PP de similar contido.
Rodríguez sinala: “Temos que agradecer á conselleira de Medio Ambiente, Territorio e Vivenda, Ángeles Vázquez, que na entrevista que mantivo coa alcaldesa, a petición desta, conseguira convencela de que será moito máis difícil controlar ao lobo se se inclúe la listaxe de especies silvestres en réxime de especial protección, porque deixará de ser especie cinexética e non se poderán facer batidas. Sen dúbida é mérito da conselleira que a alcaldesa votase no Concello a favor dunha moción da que na Deputación estivo en contra”.
O mesmo representante popular di que agora “esperamos que faga valer o seu peso no PSOE e convenza á ministra de que reforzar a protección do lobo como pretende facelo o Goberno, presidido por Pedro Sánchez, só fará incrementar as dificultades para controlar esta especie”.
O portavoz popular, aproveitando unha reunión con veciños de Galdo, explicou o contido da moción aprobada no pleno e insistiu en que, de ser incluído o lobo na Listaxe de Especies Silvestres en Réxime de Protección Especial será moito máis difícil o control e os problemas, lonxe de diminuír, aumentarán. Os populares continuarán explicando esta iniciativa a representantes de distintos colectivos.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
