Ribadeo, 13 de setembro 2021. O portavoz do Grupo Municipal Popular de Ribadeo, Daniel Vega, non pode entender que “un alcalde se negue a percibir orzamento para o seu municipio”, cando “debería xestionar orzamento das distintas administracións”. Nese sentido, condena a actitude do alcalde do BNG de desprezo sistemático ás inversións da Xunta para Ribadeo e de desprezo constante tamén ás asociacións de Ribadeo tanto ás de veciños coma a outros colectivos.
Daniel Vega explica que “o goberno local do BNG pon paus nas rodas aos investimentos da Xunta en Ribadeo” porque “a Xunta aprobou subvencións e xa ingresou as cantidades correspondentes ás asociacións de veciños para facer obras nos seus locais sociais; pero o Concello non concede a licenza de obra. Non se entende que o alcalde prexudique aos veciños de Ribadeo”, engade.
Así as cousas, as obras están paralizadas nas antigas escolas de Rinlo, Vilaselán e Cubelas que son de titularidade municipal para as que o Concello ten cedido o seu uso ás asociacións. No caso da Rochela, onde o local social é de titularidade veciñal, o Concello cobrou unha taxa de 400 euros que dende o Grupo Municipal do PP solicitarán no vindeiro pleno eximir desa taxa aos veciños ao entender que se trata dun local de uso público para actividades culturais, lúdicas e sociais.
Ante a escusa manifestada polo alcalde nacionalista de que non se pode dar licenza a si mesmo, o popular sinala que “as obras de mellora do colexio son un caso similar: aínda que as obras son financiadas pola Xunta, o edificio é de titularidade do Concello e, polo tanto, tivo que conceder a licenza a si mesmo”.
Importante traballo do asociacionismo ribadense
Vega puxo en valor o traballo do asociacionismo de todo Ribadeo e, especialmente, das asociacións de veciños que solicitaron as axudas da Xunta para mellorar os seus locais sociais.
“O Grupo Municipal Popular actuou de boa fe informando da convocatoria desas axudas para que as asociacións de veciños percibiran fondos para arranxar os locais para os que o goberno local non puxo ningún tipo de orzamento”, explica. Pola contra, “o BNG non achega licenza para o arranxo das escolas e, polo tanto, os veciños poden perder a axuda concedida pola Xunta e tamén a oportunidade de mellorar os espazos que utilizan para as súas actividades”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
