Mondoñedo, 13 de setembro do 2021. No BOE do 16 de agosto saíu publicado o anuncio polo que se somete a información pública o Estudo de Impacto Ambiental e a solicitude de Autorización Administrativa Previa de catro novos parques eólicos e as súas infraestruturas de evacuación que afectan a Mondoñedo, todos eles promovidos polo mesmo grupo empresarial Greenalia Wihnd Power.
Un dos parques eólicos denominado Borrasca de 84 MW de potencia que está integrado por 15 aeroxeradores de 180 metros de altura, incluída a pa, está situado nos límites dos termos municipais de Foz, Mondoñedo e Lourenzá dos cales dous muíños están proxectados na parroquia de Oirán do municipio mindoniense.
Segundo indica o BNG local, o conxunto de parques restantes denominados Monzón, Boura e Ventisca situados nos termos municipais de Baleira, Pol, Meira, A Pastoriza e Abadín teñen prevista unha liña de evacuación de alta tensión conxunta de 132KW desde a subestación do P.E. Ventisca, no concello de Pol, ata a subestación do P.E. Borrasca no concello de Foz atravesando por Mondoñedo desde o Campo do Oso preto da canteira de Xemil en dirección á Ponte de Vedros na A:8, continuando cara Lindín e seguindo pola ladeira de Padornelo ata baixar a San Pedro da Torre, Vilamor, Monte de Camba, Masma por Marquide e Ardilleiros, Padriñan, A Cazolga, Oirán para rematar na subestación do P.E. Borrasca no termo municipal de Foz.
-O PRAZO PARA PRESENTAR ALEGACIÓNS REMATA O 21 DE SETEMBRO DO 2021-
Para os nacionalistas o proxecto das instalacións e o estudo de impacto ambiental deben estar postos a disposición pública no concello para que calquera persoa interesada poida consultar os aspectos ambientais, arqueolóxicos e principalmente a distribución dos muíños, pistas e as outras infraestruturas como a liña de evacuación de alta tensión. Así que o BNG local úrxelle ao goberno municipal que informe sobre estes proxectos eólicos xunto coa liña de evacuación que pasa polo concello e pídelle ao goberno local a que asesore á veciñanza á hora de presentar alegacións a estes proxectos.
O voceiro do BNG en Mondoñedo, Eloi Cabanas, espera tamén que o concello presente as súas propias alegacións aos Estudos de Impacto Ambiental de toda esta infraestrutura que afecta ao concello e non se quede de brazos cruzados igual que fixo co parque eólico Sasdónigas I e II.
Eloi Cabanas apunta que o BNG como organización nacional vai presentar alegacións e “a nivel local estamos estudando os proxectos para presentar tamén as nosas alegacións correspondentes”.
O BNG defende as enerxías renovábeis pero entende o vento como un ben público cuxo aproveitamento ademais de sustentable na produción de electricidade debe repercutir no conxunto da cidadanía e especificamente nos territorios onde se xera. “O modelo de desenrolo eólico non pode responder só a un interese privado e depredador das grandes empresas eólicas que operan no noso país coa complicidade da Xunta de Galiza”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
