Lugo, 13 de setembro. Esta mañá presentouse no Pazo de San Marcos a sétima edición da Ruta dos Lobos, que celebrará o vindeiro sábado 18 de setembro coa participación de 350 persoas. A proba retómase tras o parón obrigado pola pandemia cos alicientes das pasadas edicións, un percorrido esixente desde o punto de vista deportivo e atractivo como escaparate dos recursos naturais e culturais do concello.
A Ruta ofrece “dous itinerarios, un largo de 55 quilómetros e 1800 metros de desnivel positivo, e un curto, de 35 quilómetros, que trascorren polas ribeiras dos ríos Navia e Lamas amosando algúns dos lugares máis representantivos da Fonsgrada como a seimeira de Vilagocende ou o mirador de Arexo, segundo explicou na presentación o responsable do evento”, Enrique Fernández, técnico deportivo do Concello da Fonsagrada.
A organización, na que colaboran a Asociación Deportiva Fonsagrada Balompé e o Concello, mantén unha das características da ruta, un avituallamento con produtos típicos da zona como o pastel da Fonsagrada ou as filloas con mel. Coa inscrición, ofrécese tamén a posibilidade de participar nunha cea colectiva e unha visita guiada para os acompañantes.
Na presentación do evento, que conta coa colaboración da área de Deportes da Vicepresidencia da Deputación de Lugo na promoción e difusión, o deputado Efrén Castro destacou “a boa sona da organización da proba entre as persoas afeccionadas á bicicleta” e valorou o “escaparate que estes eventos ofrecen desde o punto de vista turístico”.
O alcalde da Fonsagrada, Carlos López, sinalou, pola súa banda, “o impacto da proba na hostelería do Concello, despois duns meses de moitas dificultades para o sector pola pandemia”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
