Madrid, 14 de setembro de 2021. O deputado do BNG no Congreso, Néstor Rego, rexistrou distintas iniciativas despois da súa visita a Foz, acompañado por representantes da Asociación de Veciños “Os Castros” de Cangas de Foz, para que o Goberno do Estado mellore a seguranza viaria da N-642 nas interseccións coas estradas LU-152 e LU-162. Rego recolle así a demanda da veciñanza e do BNG de Foz de acometer a construción dunha rotonda ou glorieta que facilite a fluidez do tráfico e reduza o risco de accidentes na altura da parroquia de Cangas. Permitiría ademais facilitar o acceso até a zona de dotacións e servizos que se atopan no outro lado da vía.
Rego mantivo unha xuntanza coa veciñanza de Cangas de Foz, representada na Asociación de Veciños “Os Castros”, para coñecer a situación de perigo na seguranza viaria. “Son varios os puntos da N-642 que xeran problemas e perigos para o tráfico rodado e para o tránsito de persoas a pé e a Administración do Estado debe acometer os estudos e trámites precisos para solucionalos” subliña Néstor Rego. Destaca dous dos puntos máis conflitivos como son as interseccións da estrada coas carreteiras con titularidade da Xunta de Galiza, a LU-152 e a LU-162.
Esta última, divide a parroquia de Cangas de Foz en dúas partes: “a zona de servizos está separada dos núcleos de poboación máis importantes e máis numerosos da parroquia”. A única posibilidade de acceso da veciñanza de núcleos como os de Vilachá ou Vilasindre a esa zona dos Castros é mediante o cruce da estrada que une Cangas de Foz e Ferreira de Valadouro. “Este punto é particularmente sensíbel e perigoso para o tráfico e para o paso de persoas a pé, xa que se trata dun lugar con problemas de visibilidade e cun gran volume de tráfico” explica o deputado nacionalista.
Así mesmo, sinala como “urxente” que se acometa esta actuación na estrada e “a construción dunha rotonda que permita un acceso máis fluído do tráfico e prever pasos seguros para os peóns que queren acceder ao campo de fútbol, centro cívico, praia dos Castros…”.
Por outra banda, o acceso a Foz pola N-642 dos vehículos procedentes de Barreiros na intersección coa estrada competencia da Xunta de Galiza, a LU-152, que comunica O Valadouro e Alfoz, presenta problemas no tráfico rodado e precisa “dunha atención inmediata por parte das administracións”. Neste cruzamento prodúcense numerosas retencións o que provoca perigo de colisión por alcance dos vehículos que deben parar no medio da vía.
“Para solucionar este problema é necesaria a construción dunha rotonda ou glorieta que facilite a fluidez do tráfico e reduza o risco de accidentes. Debe terse en conta que esta actuación é imprescindíbel dado que a LU-152 será, no futuro, a estrada de acceso e saída da futura A-74 desde o enlace do Carme” conclúe o deputado do BNG no Congreso, Néstor Rego.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
