Foz, 25 de setembro de 2021. O Concello de Foz adxudicou ampliación do Centro de Seguridade Vial e anuncia a retirada da denuncia interposta pola Asociación Central de Jubilados y Pensionistas de Foz.
O Concello de Foz continúa avanzando co compromiso adquirido en canto á reforma da Cafetería do Centro Social -Bar dos Xubilados- e á recuperación dese espazo para todos os maiores de Foz. O alcalde, Fran Cajoto, anuncia que se adxudicou a ampliación do Centro de Seguridade Vial, situado no peirao de Foz, por un importe de 58.834,39 euros á empresa Construcciones Jesús Naray SL. Esta edificación será empregada pola Asociación de Discapacitados Virxe da Mariña unha vez rematadas as obras.
A concelleira de Asuntos Sociais, Ana Rojo, destaca a labor desta asociación: “está a facer un gran traballo, conseguindo que persoas con discapacidade intelectual do noso concello se integren e participen dunha vida moito máis normal, realizando labores de inclusión na vida adulta e relacións sociais, así como reforzar coñecementos adquiridos mediante diferentes talleres e clases de reforzo. O Concello quere apoiar e incentivar esta gran labor: dixemos alto e claro que iamos ofrecer unhas instalacións dignas á Asociación Virxe do Carme antes de calquera reforma da cafetería do centro social e con este novo espazo cumprimos e van poder continuar cunha iniciativa tan necesaria, onde rapaces focegos poden levar a cabo tarefas de inclusión no noso Concello, sen ter que desprazarse a outros concellos limítrofes”.
O alcalde informa tamén da retirada da denuncia interposta pola Asociación Central de Jubilados y Pensionistas de Foz. “O Defensor do Pobo xa nos dera a razón e a denuncia que presentara esa asociación, na figura do seu presidente, foi retirada antes do xuízo que se ía celebrar a vindeira semana. En ningún caso vamos cualificar os improperios e as faltas de respecto que vimos sufrindo, pero si vamos a solicitar as costas procesuais, que saen do peto de todos os focegos. Seguiremos actuando con honestidade e seriedade”, manifesta Cajoto.
As obras de ampliación do Centro de Seguridade Vial, xunto ás de reforma da planta administrativa e a cafetería do Centro Social, prevén rematarse antes de fin de ano.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
