OLYMPUS DIGITAL CAMERA
Burela, a 29 de setembro de 2021. O Grupo Municipal Popular propón a creación dun arquivo histórico e cultural, de carácter dixital, sobre a vila de Burela.
A vicevoceira popular, Yovana Oroza, sinala que “cremos que é preciso inventariar e preservar a rica historia e cultura da nosa vila” para iso “pódese facer uso das novas tecnoloxías de forma que sexa facilmente accesible para tódolos veciños e veciñas de Burela e que poida ser transmitida con máis facilidade”.
Concretamente, a iniciativa que os populares defenderán no vindeiro pleno da corporación recolle o establecemento dunha partida orzamentaria para a adquisición e contratación de equipamento técnico e humano axeitado, sempre e cando non se conte co mesmo no propio Concello.
Outro dos puntos da proposta popular pasar porque o Concello leve a cabo un inventario histórico e cultural da nosa vila, tanto de carácter documental, gráfico, sonoro e audiovisual. Neste caso, “é imprescindible a colaboración dos veciños e veciñas e, polo tanto, o Concello debería pedir o seu apoio porque gran parte destes datos históricos e culturais está en mans privadas”, apuntan.
Tendo en conta que Burela conta na actualidade cunha cronista oficial, o Grupo Municipal Popular propón solicitar a súa colaboración para a supervisión e asesoramento na elaboración do arquivo dixital da vila de Burela.
Finalmente, unha vez rematado e para que os veciños e veciñas teñan acceso, este arquivo histórico e cultural deberíase facer público e accesible na web oficial do Concello de Burela.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
