Lugo, 29 de setembro de 2021. A medida que avanza o mandato, queda máis claro cal é o verdadeiro talante do presidente da Deputación de Lugo, o socialista José Tomé, que, no exercicio do cargo e na súa maneira de entender a política, entronca historicamente cos persoeiros do seu partido menos afeccionados ás prácticas democráticas. As súa actitude na relación co grupo máis numeroso da corporación provincial, o PP, fai pensar ao seu portavoz, Javier Castiñeira, que “os continuos abusos de Tomé indican que imos polo bo camiño, porque xa non lle basta con vetarnos a entrada en edificios oficiais, senón que agora intensifica a presión nos órganos da institución”. Indica así que “a actitude do presidente no pleno de onte é outro exemplo do atropelo democrático que está a vivir o grupo provincial popular a pesares de ser o máis representativo da provincia; son unha nova volta de rosca nas presións do señor Tomé cara unha oposición que o único que tenta é facer uso da súa representación democrática dentro desta institución”.
Castiñeira alude ao control dos tempos das intervencións ao longo da sesión plenaria. “O cronómetro de Tomé párase segundo lle interesa. Mentres que para a oposición se aplica un rigorosísimo tempo de intervención, para os seus compañeiros de bancada o tempo engadido non é un problema; se non o satisfai moito o que argumentan os seus voceiros, o propio Tomé se toma o tempo que desexa para corrixilos”.
O portavoz popular sinala: “Onte o propio Tomé, por falta de recursos políticos, converteu o pleno nun auténtico monólogo do goberno, de maneira que por unha intervención do partido popular houbo tres intervencións do bipartito, as dúas dos voceiros máis a corrección sen límite de tempo do señor Tomé. Polo contrario, na quenda de preguntas da oposición as largas intervencións do bipartito convértense en silencios para o próximo pleno ou en respostas absurdas que nada aclaran”.
E que dicir, apunta Castiñeira, da actitude do presidente por ter perdido o asunto da residencia de Sarria; nun alarde de “humildade democrática” deixou caer que tanto lle ten o que decida o pleno, porque el fará o que crea preciso.
Castiñeira di: “En definitiva, a calidade democrática na Deputación de Lugo vai a menos por dous factores importantes: primeiro, polo narcisismo enfermizo do señor presidente, e, segundo, porque o bo traballo da oposición non se contrarresta cun bo traballo do goberno senón con uso do poder e tratando de someter ao que opina diferente. O señor Tomé é o claro exemplo deses iluminados que pensan que teñen máis luz se apagan a do lado”
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
