Viveiro, 13 de outubro de 2021. O Concello de Viveiro informa da posta en marcha do grupo de participación xuvenil, cuxo obxectivo é ser unha canle entre a mocidade de Viveiro e a administración municipal. O grupo terá a súa primeira sesión oficial o próximo venres 29 de outubro ás 17:30 no salón multiusos da casa do concello.
Este proxecto ten o seu inicio no mes de xuño, cando a concellería de Benestar Social do Concello de Viveiro iniciou a súa andadura no proxecto “Cidades Amigas da Infancia”, de Unicef, a través do traballo coa Asociación Branque.
A concellería de Benestar Social, Victoria Baamonde Gómez contactou cos institutos do municipio para dar a coñecer esta iniciativa durante o pasado mes de setembro. Deste modo, o IES María Sarmiento acolleu a inicios de curso escolar, no mes de setembro, varios talleres de promoción para invitar á xuventude a participar e inscribirse no grupo de participación adolescente.
O proxecto ábrese agora a adolescentes de Viveiro de entre 12 e 18 anos, que poden apuntarse e acudir á primeira sesión oficial que se celebrará o venres 29 de outubro de 2021 ás 17:30 no salón multiusos da casa do concello.
Segundo Alejandro Ramos, responsable da dinamización deste proxecto, a pretensión desta acción é darlle voz á xuventude e fomentar a súa participación activa na vida da vila. No grupo de participación adolescente faranse propostas para mellorar o municipio dende a perspectiva da xuventude.
As función destes consellos de infancia son as seguintes:
-Crear unha canle de comunicación entre as nenas, nenos e adolescentes do municipio e as autoridades locais. Trátase dun órgano de representación do conxunto da infancia chamado a trasladar as opinións, necesidades e inquedanzas de todos as nenas, nenos e adolescentes á Corporación municipal e viceversa.
-Propoñer á administración municipal as medidas oportunas para garantir o benestar e o desenvolvemento dos dereitos da infancia no ámbito local.
-Participar na elaboración e seguimento dos Plans de Infancia que se acometan.
-Impulsar a colaboración con outras Administracións públicas en materia de infancia e con entidades que desenvolvan actividades neste ámbito.
Con esta acción, o Concello de Viveiro busca a cooperación das rapazas e rapaces noutros proxectos como Viveiro Inclúe, no que se está a traballar pola mellora da accesibilidade universal do noso Concello dende o ano 2020.
Por agora, o grupo de participación adolescente reunirase unha vez ao mes no Salón Multiusos da Casa do Concello de Viveiro. Mediante dinámicas participativas, cooperativas e lúdicas, os rapaces e rapazas tratarán de conseguir que, coa colaboración activa do Concello, Viveiro pase a ser recoñecida como Cidade Amiga da Infancia.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
