Lugo, 19 de outubro de 2021. A deputada de Medio Rural, Mónica Freire, achegouse ata Muras para comprobar o resultado das obras de mellora financiadas pola área provincial nun camiño de uso gandeiro, na parroquia de Balsa.
Trátase dunha pista que une o Pastizal co Campo do Cura, empregada a diario polas familias gandeiras para o acceso ás granxas e para o desprazamento de gando ata as zonas de pastoreo no monte. Os traballos realizados melloraron a vía cunha capa de saburra de 20 centímetros e co perfilado das marxes, ademais da limpeza dun paso canadiense.
Mónica Freire subliñou que se “trata dunha obra que repercute directamente na veciñanza dunha zona gandeira centrada en actividades extensivas, un modelo que é unha das sinais de identidade de Muras e que apoiamos de forma decidida desde a área de Medio Rural polo seu potencial económico pero tamén polo seu valor ambiental e social”.
Pola súa banda, o alcalde de Muras Manuel Requeijo lembrou que eran “melloras moi necesarias e demandadas pola veciñanza, xa que este vial de algo máis dun quilómetro dá servizo a toda a parroquia da Balsa, onde 25 familias se desprazan a diario para acceder ás súas granxas e para desprazar gando ao pastizal”.
As obras supuxeron un investimento de 15.000 euros, financiados a través dun convenio entre a área de Medio Rural e o Concello de Muras, dos cales a área provincial achegou 12.600.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
