Burela, 19 de outubro, 2021. O Pescados Rubén Burela FS pecha a súa semana de roteiro polo Mediterráneo sen a recompensa merecida despois do gran traballo despregado esta noite na pista de Levante UD FS (5-3). Os de Alberto Riquer levaron a iniciativa no marcador durante toda a primeira parte con respostas efectivas dos valencianos; Rivillos foi o revulsivo no empate e o inicio da segunda parte co 3-2. Os mariñáns non puideron aproveitar a superioridade numérica sobre o 30 de xogo e a pesar de encaixar un novo tanto armáronse de garra para seguir demostrando a súa personalidade sobre a pista achegándose co 4-3. Un penalti volveu distancialos do obxectivo e o porteiro xogador non conseguiu perforar a rede granota.
Os mariñáns deron a primeira poutada, con Iago Míguez no minuto 4, e souberon como conter as ganas dos locais. Dez minutos tardou o subcampión de liga en atopar algunha fenda na defensa galega, para subir a igualada no 14, con Hamza. Con todo, pouco duroulles a alegría aos de Diego Ríos, que viron como Quintela recuperaba a vantaxe pouco despois.
Rivillos deulles ás aos valencianos, devolvendo o equilibrio ao marcador chegando ao descanso e poñéndose por diante, por primeira vez na cita, no regreso, no 22. Contestou Renato nun gran man a man con Raúl Jiménez; tamén Quintela puxo a proba a portería granota. Na medianía do segundo acto, coa segunda amarela de Rubi, os de Riquer desaproveitaron a superioridade, cunha de ouro de Levi. Do que podería ser un novo empate na cita pasouse ao 4-2 con Maxi Rescia no 32, pero crendo na personalidade laranxa, Iago Míguez reduciu distancias tan só 2 minutos despois. Cando o Pescdso Rubén Burela pelexaba pola remontada, chegou a pena máxima, coa amarela a Edu, que sentenciou Rivillos para o seu hattrick particular co 5-3. Con catro minutos por diante, Levi liderou o xogo de cinco sen a recompensa máis que merecida.
Ficha técnica
Levante UD FS: Fede, Rubi, Maxi, Hamza, Pedro Toro, cinco inicial; tamén xogaron Juanjo, Tolrà, Pachu, Araça, Rivillos, Roger, Raúl Jiménez
Pescados Rubén Burela FS: Edu, Iago Míguez, Pitero, Isma, Renato, cinco inicial; tamén xogaron Lucho, Quintela, Levi, Wanderson, David Pazos
Goles: 0-1, minuto 4, Iago Míguez; 1-1, minuto 14, Hamza; 1-2, minuto 15, Quintela; 2-2, minuto 19, Rivillos; 3-2, minuto 22, Rivillos; 4-2, minuto 32, Maxi; 4-3, minuto 34, Iago Míguez; 5-3, minuto 36, Rivillos (penalti)
Árbitros: Alberto Centeno Bono // Jordi Centeno Bono. Por Levante amarela para Rivillos (minuto 5),Araça (minuto 11), Rubi (minuto 15), Pedro Toro (minuto 15), Tolrà (minuto 21), Raúl Jiménez (minuto 29). Por Burela amarela para Quintela (minuto 5), Wanderson (minuto 8), Edu (minuto 36)
Incidencias: Partido correspondente á xornada 4 (adiantada) de Primeira Masculina disputado en Paterna.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
