Ribadeo, 26 de outubro de 2021. Ata o 8 de xaneiro pódese visitar na Oficina de Turismo a exposición “Os viquingos de Playmobil desembarcan en Ribadeo”, que está composta por máis de 2.000 pezas que recrean a chegada dos viquingos e dos normandos ás costas galegas. Hai unha ambientación da praia das Catedrais. O alcalde, Fernando Suárez, anima a achegarse á mostra e subliña que o Concello cos Coles promoverá visitas guiadas dos centros ao longo das vindeiras semanas.
Xabier Bermúdez Salgueiro, da asociación Aesclicks, contou que “esta exposición trata de recrear o que foron as incursións normandas ou viquingas nas costas galegas. Entón quixemos ambientala precisamente en Ribadeo recreando a praia das Catedrais e a partir de aí un desembarco destes pobos nórdicos, que o que facían era arrasar, facer pillaxe e levar todo o que podían das zonas de conquista. Ao mesmo tempo quixemos recrear como era a Galicia dese entorno do ano 1.000, que era un reino moi importante na Europa occidental, e como estaba estruturada a nivel de poboación das vilas e rural, etcétera, incluso recolle a vida dos mosteiros, que tamén era moi importante naquela época, e sobre todo os tres estamentos: o clero, a nobreza e pobo baixo (labregos, mariñeiros, vilegos, …)”.
Bermúdez dixo que “a mostra andará por unhas 2.000 ou 3.000 pezas. É incalculable porque cada boneco ten unhas 5 ou 6 pezas, entón é moi difícil de saber. Está aberta para todo o mundo con entrada gratuíta, desde nenos a nenos máis grandes”.
E engadiu que “nós pertencemos a unha asociación a nivel estatal, que se chama Aesclick e que ten unha labor social totalmente dirixida á infancia desfavorecida. Entón todo o que montamos é para recadar fondos para asociacións que traballan con nenos en hospitais, casas de nenos en exclusión,… Xurdiu a idea porque queríamos recrear como eran esas incursións viquingas ou normandas nas costas de Galicia e aproveitamos Ribadeo e a icona da praia das Catedrais, entón foi todo moi fácil”.
O alcalde, Fernando Suárez, sinalou que “estamos encantados de acoller aquí, en Ribadeo, e singularmente na Oficina de Turismo, esta exposición diferente, pero moi atractiva, especialmente para os máis pequeniños aínda que como os clicks de Playmobil é algo que abrangue xa varias xeracións, dado que hai moitos anos que existen, supoño que tamén farán as ledicias de xente máis adulta ou incluso dos pais que veñan acompañar aos seus nenos a ver esta pequena exposición, pero que está repleta, integrada e combina elementos históricos con outros aspectos máis lúdicos e de lecer”.
Para o rexedor “o das incursións normandas e que teña determinadas cuestións da nosa xeografía e da nosa historia, como a praia das Catedrais, Galicia, os mosteiros, etcétera, fai moi recomendable vir velo en calquera momento dos da apertura da Oficina de Turismo”.
Suárez Barcia subliñou que “coa iniciativa que lle chamamos O Concello cos coles convidamos a que os colexios, se queren, poidan vir de visita organizada cos seus alumnos e coas súas alumnas nalgún momento ver esta atractiva exposición, que é inédita e eu creo que deste tipo poucas haberá por aí adiante”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
