Define a Real Academia Galega o termo “localismo” como “preferencia por un lugar ou comarca determinados” e o gran dicionario da lingua española de Larousse coma o “excesivo apego e preferencia por unha localidade, xeralmente aquela na que se naceu”.
A globalización que hoxe impera fuxe dos localismos. O capitalismo exacerbado que domina a economía mundial so busca o maior beneficio, sen ter en conta o lugar da produción, os medios existentes nel ou as necesidades do país ou dos seus habitantes.
Tanto un extremo, o do localismo testán, coma o outro, o do capitalismo abusador, son interpretacións erróneas e producen sangrantes consecuencias. Véxamos o caso das nosas comarcas (lembremos que administrativamente A Mariña son tres: Oriental, Central e Occidental, aínda que nos sintamos unha mesma) e a noticia da posible implantación dunha nova industria.
Actualmente A Mariña está inmersa nunha enorme crise industrial, que se arrastra desde fai anos, co peche de industrias coma a ECAR, Muebles Hermida, Costiña, etcétera e coa ameaza desde hai case 10 anos do peche de Alcoa, e o recentemente anunciado de Vestas. O novo anuncio de que a portuguesa Altri está valorando implantar unha nova industria na nosa comarca (referireime a ela coma un todo) é un motivo de alegría. A sociedade Impulsa Galicia, conformada por varias empresas e a administración galega, apoia está industria e aportará fondos para a súa creación. Isto é unha marabillosa noticia para todos.
Tendo en conta as necesidades urxentes de manter a industrialización da zona, ninguén debe sentirse ameazado. Sumar industria non é un ataque a ningunha das existentes, non son competidores senón que sumarán sinerxias para unha maior competitividade da zona e para asentar poboación e medrar. Todos os sectores se beneficiarán disto. Ademais debemos analizar o inmellorable emprazamento que é a comarca para este sector, de forma sinxela produtor punteiro da materia prima, cunha loxística implantada para o seu traslado, con infraestruturas portuarias magníficas para a súa exportación e con empresas na propia comunidade que poderían mercar a materia transformada. Ao redor dela poderán medrar novas empresas necesarias para a produción e mantemento da fábrica de creación de fibras téxtiles. Exactamente o que necesitaba a zona, transformar o que levamos décadas producindo e que esa transformación redunde na Mariña. O único localismo que se podía aplicar é que non fora ningunha ou ningún mariñán o que decidira antes facer esta aposta, que polo demais só se debe celebrar. Pensar que a proximidade das necesidades da produción ademais de incorrer en menores custos redundan en beneficios para os nosos produtores, empresas madeiristas, etc. A Mariña debe puxar por este proxecto porque é o mellor punto, obxectivamente, para levalo a cabo.
Hai uns días uns compañeiros economistas afondaron nesta idea en Viveiro, a idea de que a Mariña unida debe loitar por un proxecto, agora mesmo máis necesario ca nunca. Idea que os economistas da Mariña apoiamos e cremos imprescindible para a consecución do fin, que é que a zona continúe crecendo e sendo un lugar espléndido para vivir e traballar. Esperamos ser unha soa voz e que non se utilice esta posible novo investimento como arma arreboladiza dentro da mesma comarca.
Inés López Couto (Economista e Tenente Alcalde de Foz)
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
