Burela, 3 de novembro de 2021. A Concellería de Cultura presentou a programación para este mes de novembro, que arrinca este venres, día 5, co musical Coco para o que xa foron vendidas todas as entradas. O sábado celebrarase a sexta Festa da Castaña e o día 14 volverá Burela de Cine con proxeccións infantís, unha actividade que se recupera tras a pandemia do covid.
O concelleiro de Cultura, José Díaz, dixo que “por fin empezamos a programar máis cousas e xa con aforos case completos dentro do auditorio, o que esperábamos con moitas ganas porque durante todos estes meses foi complicado programar actividades culturais dentro do auditorio. A partir de agora parece que a situación nos vai permitir recuperar ese nivel cultural ao que chegáramos aquí despois do traballo de todos estes anos anteriores a 2019”.
O edil burelés contou que “o primeiro de todos estes espectáculos que van ter lugar en Burela é o musical de Coco, que vai ser este venres ás 19:00 horas. Está todo vendido dende fai xa uns días, as vendas foron moi boas. É un bo musical, a xente non vai saír defraudada. Como sempre apostamos por musicais de calidade que xa teñan o seu recorrido polo territorio nacional e este en concreto tivo cheos en moitos dos teatros onde se celebrou. Estou seguro de que todo ese público que vai encher o auditorio vai ser unha foto moi esperada co auditorio cheo de nenos desfrutando da cultura e a nivel persoal vai ser algo emotivo, que apetecía moito volver ver e recuperar”.
Díaz seguiu a relatar que “o sábado, 6 de novembro, a partir das sete da tarde, imos celebrar a sexta Festa da Castaña. O único ano que non se puido celebrar foi o ano pasado. Levamos facendo esta festa desde o ano 2015 e seguimos con elo porque é algo que gusta e atrae xente cun produto como a castaña tan destacado nesta tempada cando chega o inverno. Vai ser, como outros anos, coa colaboración de Asadores de Burela. Vanse repartir cucuruchos de castañas, bolos preñaos e bebida por 2 euros. Vai haber música durante o evento na praza da Mariña e a actuación musical, a partir das oito da tarde, de Dambara, que unha vez máis colabora con nós como en tantas ocasións en case todos os eventos culturais ou festivos que facemos, o cal agradecemos unha vez máis. Ademais, de cinco a oito da tarde, terá lugar un obradoiro de confección de zonchos e chapas para o que os interesados poden inscribirse na oficina de Medio Ambiente ou no 647 136 673”.
O concelleiro de Cultura anunciou que “o sábado 13 ás 20:30 horas imos ter unha obra de teatro moi interesante que é de La Quintana, chámase O premio. É unha obra que é case un reallity porque o público participa e vota aos actores vendo quen merece o premio da súa vida. É unha proposta distinta que dirixe Marian Bañobre, a quen xa tivemos no auditorio noutras ocasións. Aconsello a todos asistir a esta obra. O prezo da entrada é de 4 euros”.
José Díaz engadiu que “o domingo 14 a partir das 18:00 horas tamén recuperamos unha actividade que víñamos facendo ata a pandemia, que era Burela de Cine. Imos continuar coas proxeccións infantís que tiñan boa acollida. Parécenos algo interesante para eles para que desfruten do cine e é gratuíto. O domingo 21 ás sete e media, dentro do programa FalaRedes, teremos á compañía Teatro do Atlántico coa obra Libre como os paxaros para público adulto e tamén con entrada gratuíta. Finalmente, o último fin de semana de novembro, ás 20:30 horas, Culturactiva preséntanos Conexión Pingüín tamén para o público adulto con outra proposta teatral interesante, esperemos volver ter o máximo de xente posible no teatro polo que seguiremos apostando e seguiremos apoiando”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
