Viveiro, 6 de novembro de 2021. Óscar Rodríguez vén de ser elixido presidente do Partido Popular de Viveiro. O popular asume así a dirección do partido, na que estará acompañado de María del Carmen Gueimunde González na secretaría xeral e por Teresa Pérez Rodríguez Seijo na subsecretaría xeral.
Nas súas intervencións, o novo presidente local do PP sinalou cales son os seus principais obxectivos, tanto en canto ao partido en si como na relación deste coa sociedade. En canto ao partido, Rodríguez destacou que quere incrementar a súa base, ensanchar a organización, mediante a incorporación de novos afiliados, unha tarefa na que xa se dedicou con intensidade dende que asumiu a portavocía municipal. Nesta liña, indicou que ten especial interese en incorporar a mozos e mozas ás filas do partido.
O novo presidente indicou que pretende fomentar a participación dos afiliados na vida da organización, para lograr un maior dinamismo. A participación tamén a enfoca en relación coa sociedade. Neste sentido apuntou que se intensificará o traballo a pé de rúa, á carón dos veciños de Viveiro, para coñecer aínda mellor as súas inquedanzas e buscar as solucións máis acaídas para mellorar a súa calidade de vida.
En síntese, Rodríguez proponse lograr un PP de Viveiro aínda máis unido, máis activo e motivado para buscar solucións aos problemas do concello. Neste sentido, o novo presidente popular fixo un recorrido polo estado do municipio, no que dixo, nestes últimos anos nada se fixo polo goberno local que supoña sentar as bases para o Viveiro que desexan a inmensa maioría dos veciños. Así lembrou que segue atascado a redacción do plan xeral de ordenación municipal; a rehabilitación dos casco histórico carece de programa para levala a cabo; a promoción turística apenas existe e a protección e promoción do patrimonio non pasa de ser un desexo.
Na mesma liña, Óscar Rodríguez lamentou a falta de políticas municipais de apoio á industria de Viveiro. Aludiu á grave situación pola que atravesan Alcoa e Vestas e lembrou o apoio e as iniciativas populares en defensa destas industrias de A Mariña.
Rodríguez destacou o pouco peso da alcaldesa no seu partido (PSOE), que se traduce no escaso apoio que presta a Deputación a Viveiro e na falta de respostas adecuadas por parte do Goberno central aos problemas da industria en A Mariña. Criticou que a alcaldesa de Viveiro votara na Deputación contra a proposta do PP de incrementar nun 25% o Plan Único, porque suporía un importante incremento da cantidade que lle correspondería a este municipio no 2022.
En contraposición ao desinterese dos gobernos socialistas, Rodríguez destacou os investimentos que leva a cabo en Viveiro a Xunta. Nesta liña indicou os investimentos previstos para o municipio nos orzamentos autonómicos para o próximo exercicio. Así asegurou que os únicos investimentos con transcendencia no municipio corresponden a Xunta de Galicia.
O novo presidente do PP afirmou que este partido é a única alternativa de goberno fiable en Viveiro. Para alcanzar a alcaldía, sinalou Rodríguez, será necesario que a organización funcione perfectamente engraxada. Comprometeu o seu esforzo e o de todo o seu equipo en crear as condicións para que a alcaldía de Viveiro pase nas próximas eleccións a mans do PP.
O novo equipo directivo, segundo expresou Rodríguez, comprométese a traballar arreo, con plena ilusión e humildade, para conseguir os obxectivos que se marcou. Agradeceu o respaldo da militancia e afirmou que nin el nin os membros do seu equipo lles fallarán.
Arroupado pola dirección provincial e autonómica
Óscar Rodríguez estivo arroupado pola presidenta do partido a nivel provincial, Elena Candia, e polo vicesecretario de Participación do PP nacional, Jaime de Olano; ademais de polo secretario Xeral do PPdeG, Miguel Tellado; así como por outros cargos orgánicos a nivel provincial e con ampla representación nas institucións. Foi o caso do secretario xeral, Javier Nodal; do de Organización, Javier Vázquez Prado; do coordinador xeral, José Manuel Balseiro; e de deputados e outros membros do Partido Popular da provincia .
A máxima dirixente na provincia felicitou a Rodríguez e ao seu equipo, depositando neles “a confianza absoluta da dirección provincial para que Viveiro volva a ter un goberno do Partido Popular”. Este cambio, dixo Elena Candia, “comeza neste preciso momento e ten que verse recompensado nas urnas dentro de ano e medio”. Para elo, Candia púxose a disposición da agrupación local, indicando “que somos máis necesarios ca nunca”.
Loitar pola industria de A Mariña
A popular manifestou a importancia do cambio queprecisa Viveiro, pois “todos sabemos, ademais, como está a Mariña; todos sabemos que o Goberno central o que fai é dar as costas a Alcoa, a Vestas e, mentres, a nosa comarca polo único que é noticia a nivel nacional é pola destrución de emprego”.
Neste senso, Candia lembrou que o Grupo Parlamentario Popular presentou unha emenda aos Orzamentos do Estado de 2022 para que se cree un Fondo na SEPI para a triangulación da venda da factoría de Alcoa, por importe dun euro, para garantir o cumprimento tanto do compromiso asumido polo Goberno de España cos traballadores da planta como o acordado por unanimidade no Parlamento de Galicia e no Congreso. A líder popular esixiu que “o Executivo socialista interceda a través da SEPI para que a venda de Alcoa sexa efectiva e garanta, sobre todo, o mantemento da empresa e os empregos que xera”.
En canto a Vestas, “hai que salientar que a Xunta de Galicia ten contactos con empresas que poderían ser potenciais compradoras e, mentres, o Goberno central non está pola labor de buscar un comprador que garanta a continuidade da actividade e preserve o emprego na factoría de Viveiro”, sentenciou Candia.
Equipo ao completo
Ademais do cargos propios da dirección, Rodríguez crea oito vicesecretarías sectoriais que serán claves no traballo da agrupación municipal de cara a conseguir o obxectivo de chegar á alcaldía en 2023. Trátase da de Educación, Cultura e Deportes, que ocupa Javier Illán; a de Benestar Social, que dirixirá Cristina Goás Fernández; a de Medio Rural e Parroquias, que desempeñará Carlos Martínez Fernández; a de Economía, Industria e Mar, Eva Novo Portilla; a de Comercio, Cristina García Lage; a de Viveiro Urbán, Pablo Varela Sánchez; a de Obras e Medio Ambiente, Vicente Vázquez Caho, e a de Comunicación, Cristina Rodríguez Suárez.
Ademais contará cos seguinte vocais: Mª Luisa Alonso Vilasuso, Camilo Arias Rial, Antonio Fabián Cazás García, Francisco José Cora Fernández, Jaime de Olano Vela, Luis Vicente Fernández Osorio, Alejandro Gómez López, Jorge Gómez Santos, Francisco Leal Fraga, Verónica Mantilla Rodríguez, Valentín Mera Sánchez, Mª Inmaculada Nespereira Domínguez, Domingo Néstor Otero Seara, Francisco Rivera Trobo, Marco Antonio Sierra Peláez, José Ramón Soto Martínez e Javier Teijeiro Sánchez.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
