BURELA (FNC) .- A concelleira de Deportes, Neves Cando, asegura que a Xunta lle adebeda ao Concello de Burela máis dun millón de euros procedentes das subvencións que lle concedeu o ano pasado para a contratación de persoal, obras e servizos. A edil nacionalista di que si a Xunta lle fixese chegar eses cartos o Concello xa estaría en disposición de pagarlles aos clubes deportivos.
Neves Cando sinala que “o único que non ten futuro é a política difamatoria, mentirosa e cínica do PP de Burela que só está ao servizo dos intereses político-persoais do seu portavoz que quere, parece ser, medrar dentro do seu partido e que só aterriza aquí uns días ao mes para xustificarse diante da súa parroquia. Di o portavoz do PP que o Concello pague o que lle debe aos clubes, e eu respóstolle que si a Xunta lle pagase ao Concello de Burela o que lle debe, e que a estas alturas é máis dun millón de euros, non nos demoraríamos tanto no pago aos clubes”. A concelleira de Deportes subliña que “a Xunta débenos a maioría das subvencións do ano pasado en materia de contratación de persoal, obras e servizos e eses cartos estaos pagando e adiantando o Concello de Burela. Que a Xunta nos pague o que nos debe de subvencións e convenios e o Concello automáticamente pagará aos clubes, esíxalle señor Barcia á Xunta de Galicia que cumpra coas súas débedas co noso Concello”.
A edil do BNG considera que “as comparacións son odiosas e neste tema de política deportiva o portavoz do grupo municipal do PP non ten nin idea nin sabe de que vai o tema, pero para que a xente o saiba e compare a súa política deportiva e a nosa imos dar uns datos. O goberno municipal do PP no ano 2007 deu 41.100 euros en subvencións ao deporte e no goberno do BNG e do PSOE demos no 2008 un total de 78.800 euros, no 2009 destinamos a este fin 52.700 e no neste 2010 a cifra é de 54.100 euros. Esa é a diferencia e, por certo, o PP tardaba en pagar as subvencións máis de oito ou nove meses”. Neves Cando tamén alude aos investimentos en instalacións deportivas “neste caso tamén estaba mellor caladiño o portavoz do PP porque en só tres anos estas son as nosas cifras, máis de 150.000 euros investidos no campo de fútbol da Marosa en saneamento, en pintura, na herba, nas placas solares… máis de 70.000 euros en dotacións para o pavillón Vista Alegre, independentemente da obra de ampliación comprometida por nós co anterior goberno da Xunta de Galicia e que o PP de Burela negaba unha e outra vez. E tamén fixemos investimentos importantes no campo de fútbol de herba artificial da Marosa e que o PP de Burela non foi capaz de facer en 12 anos, e nós puxémolo a andar en só dous anos de goberno municipal”.
A concelleira nacionalista manifesta que “esta é a realidade, o apoio firme e decidido ao deporte en Burela, pero non só aos clubes que desenvolven as escolas deportivas municipais, senón tamén a outro tipo de actividades deportivas que desde o PP de Burela nunca atenderan. Hoxe en día Burela é un referente deportivo na Mariña non só polo fútbol, o fútbol sala e o baloncesto senón tamén pola ximnasia rítmica, as artes marciais, o ciclismo ou as actividades náuticas. Esa é a realidade do deporte en Burela e si o PP non o ve así e porque non vive aquí nin participa nin se achega ás actividades deportivas que aquí se celebran, ás veces sí para sacarse a foto e nada máis”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
