Ribadeo, 19 de novembro de 2021. A campaña do 25N deste ano do Concello de Ribadeo foi deseñada dentro da Mesa Interinstitucional contra a Violencia de Xénero. Está centrada na mocidade e protagonizada polos centros de ensino. Denomínase Calar non é amar. Ti, dona de ti e foi presentada no salón de plenos.O resultado do traballo realizado polo estudantado ribadense darase a coñecer o vindeiro xoves, 25 de novembro, ás oito da tarde no Cine Teatro. Mariluz Álvarez, a concelleira de Igualdade, convida á veciñanza a asistir a este acto.
A edil ribadense dixo que “dende a Concellaría de Igualdade presentamos a campaña deste ano do 25 de novembro, que foi deseñada dentro da Mesa Institucional contra a Violencia de Xénero. Esta vez céntrase na mocidade, protagonista proactiva en contra da violencia de xénero. O lema deste ano é Calar non é amar. Ti dona de ti. Queremos recordar, unha vez máis, a necesidade de desterrar a idea de aguantar por amor, de que o amor non o pode todo, que non quere quen nos dana e que o amor ten que ter coidados e leva implícito o ben tratar. Nós como mulleres somos donas de nós e temos dereito a decidir o que queremos. A imaxe gráfica desta campaña, que imos facela extensible a toda a cidadanía, foi deseñada por Lucía Miranda Santamarina, unha alumna de primeiro de bacharelato do IES Dionisio Gamallo”.
A concelleira de Igualdade explicou que “como ven sendo habitual no Concello de Ribadeo todas as actividades ensambladas dentro do ámbito da igualdade, da sensibilización e da loita contra a violencia de xénero están realizadas en estreita colaboración cos centros educativos do noso concello. Polo tanto, todas estas actividades que se van facer neste 25 de novembro participan nela todos os centros educativos: o CEIP Gregorio Sanz, o colexio Sagrado Corazón de Xesús, o IES de Ribadeo Dionisio Gamallo, o CIFP Porta de Auga e tamén a Escola Oficial de Idiomas”.
Álvarez Lastra manifestou que “desta vez a mocidade, como usuaria das redes sociais, deu un paso ao fronte e utilizou as ferramentas de TikTok e Instagram dun xeito responsable e comprometido contra a violencia de xénero. Polo tanto, elaboraron os seus TikTok e os seus Instagram, algo do que imos facer partícipe á cidadanía. Os menores de catorce anos expresaron a través de debuxos, de imáns e de cómics tamén a sensibilización e a denuncia contra a violencia de xénero. O resultado de todo o traballo vai ser feito a través dunha montaxe que imos presentar á cidadanía no Cine Teatro de Ribadeo, o 25 de novembro, con motivo da celebración do Día Internacional contra a Violencia de Xénero, ás oito da tarde. Polo tanto, convidamos a todas aquelas persoas que o desexen a que acudan a este acto porque realmente vai merecer a pena”.
A concelleira ribadense engadiu: “agradecemos a colaboración de todas aquelas persoas que participaron na súa elaboración e tamén convidamos á cidadanía a que se unan a nós, é dicir, o comercio de Ribadeo e a hostalería, porque sempre traballamos tamén en colaboración con Acisa, e que se fagan co material que editamos para esta campaña como un cartaz ilustrativo da mesma e uns lanyard chaveiros onde vai serigrafiado o lema, que podemos empregar esta semana especialmente, pero tamén ao longo de todo o resto do ano. Ademais deste acto do día 25, que centra a campaña internacional contra a violencia de xénero, imos ter tamén unha charla o luns 22 ofrecida pola Secretaría Xeral de Igualdade, no Cine Teatro, ás oito da tarde, que vai abordar as agresións sexuais e a violencia sexual. Volvo convidar a participar na campaña Calar non é amar. Ti dona de ti”.
O acto de presentación da campaña tivo lugar no salón de plenos de Concello e á mesma asistiron representantes da Mesa Interinstitucional contra a Violencia de Xénero así coma os concelleiros de Igualdade, Servizos Sociais, Medio Ambiente e Desenvolvemento Local, Mariluz Álvarez, Mónica Freire, Jorge Díaz e Pablo Vizoso.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
