Foz, 19 de novembro de 2021. A medida que transcorre o mandato municipal está máis claro que o alcalde, Fran Cajoto (PSOE), e o seu equipo de goberno non só son incapaces de xestionar debidamente os asuntos propios do Concello senón que poñen dificultades cando é outra Administración a que os resolve, para mellorar a calidade de vida dos veciños. Nesta liña, o portavoz popular, Javier Castiñeira sinala: “Ao contrario que o señor Cajoto, o Partido Popular si está moi satisfeito por esa boa nova saída do Consello da Xunta: a aprobación da próxima licitación da nova depuradora de Foz, por 12,2 millóns de euros”. Os populares de Foz agradecen “á Xunta de Galicia o seu traballo” e esperan “que o alcalde de Foz, que non está moi contento, non poña trabas a este proxecto que soluciona un dos maiores problemas que tiña a nosa localidade”.
Castiñeira sinala que tan decisivo paso como o dado polo Consello da Xunta para dotar a Foz dunha nova depuradora de augas residuais, “non é unha moi boa noticia só para o PP, senón que é unha moi boa noticia para toda a localidade”. Explica: “Moitos colectivos, como a asociación de Veciños do Castro e a de Comerciantes de Foz, así como veciños a título particular e turistas pedían unha solución aos cheiros e a todas as molestias que xera a actual depuradora, especialmente na época na que hai moita afluencia de visitantes. Outros dos colectivos que sempre estiveron enriba para resolver estes problemas son a Confraría de Pescadores, a asociación A Ribeira e tamén o Club Náutico”.
O portavoz popular di: “Nós, ao contrario que o alcalde, si que levamos traballado arreo para solucionar este problema. PSOE e BNG, polo contrario, levan moito tempo tentando poñer obstáculos e trabas a todas as solucións que propoñía no seu momento o equipo de goberno do Partido popular. Cando chegou o momento de ter o apoio de Foz Plataforma de Futuro para nova ubicación da depuradora, a Xunta púxose a traballar para intentar resolver a tramitación ambiental, que foi moi complexa. Mentres, o PSOE e o señor Cajoto foron capaces de enganar a unha serie de veciños que agora se ven absolutamente estafados do alcalde”. Engade: “Nós, o Partido Popular de Foz, seguimos en positivo e pedímoslle ao alcalde que non poña trabas, porque todo o mundo sabe que el era partidario de ampliar a depuradora do porto, ao contrario do que opinaba a maioría do pobo”.
Castiñeira reclama do alcalde “que convoque canto antes, como xa llo solicitamos varias veces, unha reunión da comisión de seguimento da depuradora, para explicar aos grupos políticos e as asociacións todas estas boas novas”. Insta a Cajoto “a que canto antes poña a disposición da Xunta de Galicia os terreos e que cumpra así o acordado no pasado pleno, que decidiu dar para adiante a este proxecto”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
