Burela, 20 de novembro, 2021. O Pescados Rubén Burela FS recibiu hoxe un inmerecido castigo ante Jimbee Cartagena FS (4-5). Ofrecendo o seu mellor xogo e despregando unha imaxe de superioridade sobre a pista, os mariñáns viron como se escapaba a vantaxe de 4-1 no últimos cinco minutos de xogo sucumbindo ao porteiro xogador visitante.
Con cinco faltas nas filas de Jimbee xa, Renato fixo levantarse á Bancada Laranxa cun golazo a falta de catro minutos para o descanso. O 12 burelista recibiu en longo de Kaluza para sorprender a Raúl desde a banda. O 1-0 deulles confianza aos de Riquer. Lucão desaproveitou segundos despois a gran oportunidade de empatar, sen chegar ao segundo pau o lanzamento de Motta. Kaluza foi providencial para manter a vantaxe nun potente disparo de Mínguez, aproveitando un erro de pase laranxa.
Mínguez viu a amarela ao cortar o ataque de Isma e aproveitaron os mariñáns a balón parado con David Pazos e selo de Quintela ao segundo pau para emprender a xesta. Pazos, en recuperación, ampliou distancias no 26. Quixo recompoñerse Cartagena con Motta tras un erro local, pero volveu asestala Quintela apoiado en Lucho (minuto 30). Estaba moi ben o Pescados Rubén Burela FS. Con máis de sete minutos por diante, Mínguez liderou o xogo de cinco dos de Duda, con boas respostas galegas nas primeiras arremetidas. Andresito deu ás ao Jimbee reducindo no 35 e o 37. O factor psicolóxico fixo efecto nas filas mariñás. Motta no 38 igualou a contenda para seguir con porteiro xogador e Mínguez púxose por diante a falta dun e medio. Responderon os galegos con xogo de cinco sen oportunidade para atopar algo positivo tras o esforzo titánico.
Ficha técnica
Pescados Rubén Burela FS: M. Kaluza, Isma, Renato, David Pazos, Quintela, cinco inicial; tamén xogaron Iago Míguez, Lucho, Levi
Jimbee Cartagena FS: Raúl, J. Mínguez, Andresito, Bebe, Mellado, cinco inicial; tamén xogaron Jesús, Lucão, Simi, Motta, Marinovic
Goles: 1-0, minuto 16, Renato; 2-0, minuto 22, Quintela; 3-0, minuto 26, David Pazos; 3-1, minuto 27, Motta; 4-1, minuto 30, Quintela; 4-2, minuto 35, Andresito; 4-3, minuto 37, Andresito; 4-4, minuto 38, Motta; 4-5, minuto 39, J. Mínguez
Árbitros: Sánchez Llorente // Toca Campo. Por Burela amarela para Renato (minuto 13), Pazos (minuto 28). Por Cartaxena amarela a Lucão (minuto 16), Simi (minuto 18), J. Mínguez (minuto 22), Chemi (minuto 27), Andresito (minuto 30); vermella a Bebe (minuto 26)
Incidencias: Partido correspondente á xornada 7 de Primeira Masculina disputado en Vista Alegre.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
