Un goberno que fuxe cara adiante é un goberno perigoso para os administrados; un goberno que non recoñece os seus erros, é un goberno sen vontade verdadeira de aprender para non repetilos. Pois iso é o que lle pasa ao goberno municipal de Viveiro, como pon claramente de manifesto a perda da subvención para a mellora de infraestruturas en Magazos.
Recentemente denunciamos, dende o grupo municipal do PP de Viveiro, a mala xestión do goberno local na tramitación dunha subvención para as beirarrúas de Magazos, rede de sumidoiros e abastecemento de auga. Este proxecto foi aprobado en pleno por todos os partidos que integran a corporación municipal. Non era unha subvención de concorrencia competitiva; era das que se conceden simplemente con entregar a documentación adecuada en tempo e forma. Pois nin iso foron capaces de facer e alá van os case 100.000 euros que Viveiro debía recibir para ese proxecto, tan necesario para os meus veciños durante máis de 20 anos, cos que pasei moitos dos momentos máis agradables da miña vida.
E agora vén o segundo capítulo desta historia. Resulta que o goberno municipal, en vez de asumir o erro, pretende eludir a culpa e cargar contra o goberno que outorga estas axudas, que non é outro que a Xunta de Galicia. E para iso, dende a alcaldía, solicitaron un informe á secretaría, para coñecer a posibilidade de que prospere un recurso administrativo xudicial. O informe é claro e contundente: non contempla nin sequera que sexa admitido a trámite. O informe da secretaría, que noutras ocasións é dogma de fe para calquera actuación, nesta é totalmente ignorado, tanto pola alcaldesa como polos concelleiros da oposición alleos ao PP. Lembro agora ao alcalde de Muras que, en ocasión na que non lle gustou o resultado da votación nunha moción sobre a protección do lobo, non tivo reparo en dicir que non valía e mandou votar de novo.
Contencioso temos, polo tanto. Un contencioso apoiado en argumentos tan imaxinativos, disparatados e alleos á realidade como que “se o xuíz o admite a trámite, seguro que gañamos”, ou que “ademais non nos vai custar cartos porque temos aos servizos xurídicos da Deputación”; curioso apunte este último, que parece feito dende o convencemento de que quen fai ese traballo non cobrara dos cartos de todos. E o máis indignante é que din: “Se non imos ao contencioso, que lle dicimos aos veciños”. É para analizar. Por unha banda, pensan que os veciños comulgan con rodas de muíño, e nada máis lonxe da realidade; por outra, faise inevitable a pregunta de por que motivo ningún outro grupo da oposición dá un paso adiante para criticar tan mala xestión do goberno municipal. Será porque, no fondo, son cómplices do desgoberno, ou por que é máis fácil botarlle a culpa a Xunta, que ben pode con todo.
Non hai escusa: a tramitación desta subvención é a mesma dende hai 12 anos. Parece que non dan aprendido. Só nos queda esperar que no próximo ano non cometan o mesmo erro e os meus veciños de Xunqueira-Magazos poidan disfrutar dunhas beirarrúas como merecen.
Óscar Rodríguez
Portavoz do PP en Viveiro
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
