Mondoñedo, 9 de decembro, 2021. O Concello de Mondoñedo presenta as Xornadas Mindonienses de Arqueoloxía que chegan, neste ano 2021, á súa vixésimo primeira edición.
As datas de celebración serán os días 17, 18 e 19 de decembro de 2021 que son respectivamente venres, sábado e domingo, e con elas téntase recuperar a normalidade das mesmas, voltando a realizarse unha edición presencial, tras unha pasada de 2020, telemática.
No programa, hai unha primeira conferencia o día 17 no Centro Comarcal, situado na rúa Julia Pardo, sobre o traballo dos arqueólogos profesionais hoxe en día e a importancia da súa labor para conservar o noso patrimonio.
A segunda conferencia, que ademais será a presentación dunha obra sobre as orixes de Mondoñedo, terá lugar o día 18 no Salón de Plenos do Concello de Mondoñedo e, por último, retomaranse as visitas guiadas, o sábado ao Centro de Interpretación dos Abastecementos de Auga de Mondoñedo situado na Fonte Vella, de recente creación e, o domingo día 19, está programado unha viaxe ata o Castro de Santa Tegra en A Guarda, Pontevedra.
Mais, con todo, dado o éxito do pasado ano, non se perde o formato dixital a través da plataforma Zoom, na que se creará unha sala específica para ver as intervencións e participar nos debates posteriores que podan xurdir das mesmas.
E, por outro, tamén se empregará a infraestruturas que proporciona “The Mondonedo Valley” na súa páxina de youtube (The Mondonedo Valley – YouTube) na que se emitirán en directo todas as conferencias e serán de acceso libre, tanto no directo como para logo ver as conferencias en diferido.
Para a matrícula no curso hai que aportar á organización nome, datos de contacto, DNI e e-mail a través dunha chamada aos teléfonos 982 52 40 03 ou 982 50 71 77, dependentes do Concello de Mondoñedo, ou directamente enviando estes datos ao enderezo electrónico xornadas.arqueo@gmail.com.
O prazo de matrícula finaliza o venres, día 17, ás 14:00h.
Horario detallado, conferencias e poñentes.
Venres 17 de decembro – En Pazo Santomé (Rúa Julia Pardo)
19:30h. Entrega de Documentación.
19:45h. Acto de Inauguración.
20:00h. Conferencia.
“A Arqueoloxía Profesional Hoxe”
D. Lino Gorgoso López
Arqueólogo profesional
Sábado 18 de decembro – (Conferencia en Salón de Plenos do Concello)
11:30h. Visita guiada ao Centro de Interpretación dos Abastecementos de Auga de Mondoñedo. En A Fonte Vella
17:00h. Conferencia /Presentación de Libro (Salón de Plenos da Casa do Concello)
“As Orixes de Mondoñedo. Prehistoria, Idade Antiga e Tardorromanidade”
Intervirán:
D. Xe Freyre – Prologuista da obra.
D. Manuel Ángel Otero Legide – Alcalde do Concello de Mondoñedo
Dr. D. Abel Vigo García – Autor da obra. Arqueólogo do Concello de Mondoñedo
Domingo 19 de decembro
8:00 h. Saída para a visita, dende o cruce de Avda. Bos Aires con Rúa da Fonte.
12:30h Visita guiada:
Castro de Santa Tegra e Museo Arqueolóxico do Castro de Santa Tegra (A Guarda, Pontevedra)
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
