Foz, 14 de decembro de 2021. A falta de xestión do goberno municipal de Foz está amplamente contrastada na maior parte dos servizos municipais. Pero hai algúns nos que a falta de traballo do equipo que preside Fran Cajoto é especialmente grave, como é o caso daqueles que afectan directamente ás persoas máis vulnerables. O portavoz popular, Javier Castiñeira, destaca que “unha vez máis, no pasado pleno do Concello de Foz, tivemos que denunciar o deixamento e o pasotismo do equipo de goberno, especialmente do propio alcalde e da concelleira de Política Social, pero tamén dos seus socios do BNG, que se ven contaxiados da inacción que nos leva a un caos administrativo, que afecta a varios servizos, algún deles moi importantes”.
Sinala Castiñeira: “É o caso do servizo de Axuda no Fogar, o básico e especialmente o SAF dependencia, que está financiado pola Xunta de Galicia: a finais de ano serán case 680.000 euros o que pon a Xunta de Galicia para que se dea este servicio. Cóbrese a 107 usuarios e podíanse cubrir a moitos máis coas horas que está a dar a Xunta de Galicia, máis de 62.200”. O portavoz popular explica: “O Concello de Foz, pola súa falta de xestión, non está a cubrir 4.200 horas, o que é moi lamentable; entendemos que unha forma de actuar que hai que cambiar, posto que hai lista de espera e non se aproveita a totalidade das horas dispoñibles. O peor é que hai moitos usuarios e familias esperado por ese servizo tan importante, usuarios e familias que necesitan que se cubran esas horas”.
Os populares lembran que o equipo de goberno de goberno de Foz é o máis amplo da historia do Concello e non é capaz de sacar adiante este contrato, que leva caducado máis de dous anos. Castiñeira declara: “Nós vimos denunciando que non se actualiza o contrato; a empresa que o está a desenvolver é a empresa que o facía antes, pero hai que actualizar os contratos. O mesmo pasa no caso da depuración, saneamento e abastecemento, porque o contrato con Gestagua tamén está caducado. E o alcalde sigue pasando de todo, ao seu ritmo”.
O portavoz popular ten moi claro que, da inacción do goberno local, “os prexudicados son os veciños e os usuarios de servizos tan importantes como é o de axuda no fogar e a dependencia; hai lista de espera e o equipo de goberno non é capaz de aproveitar o cen por cento das horas que lle concede a Xunta de Galicia”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
