Ribadeo, 29 de decembro de 2021. O salón de plenos do Concello de Ribadeo acolleu este mediodía unha recepción a Ángela Fernández González e a Andrea Rodríguez Rodríguez pola medalla de bronce que acadaron no Campionato de España de Descenso e Travesías en K2 Cadete Feminino. Xunto a elas estiveron o alcalde, Fernando Suárez, o concelleiro de Deportes, Jorge Díaz, o técnico de Deportes, Iván Rodríguez, e José Ángel Fernández, membro da directiva do Club Altruán.
O edil de Deportes dixo: “rematamos o ano, ademais da San Silvestre que nos queda, dándolles unha homenaxe aquí no Concello tanto a Andrea como a Ángela que son bronce en Descenso e Travesías de K-2 en Cadete Feminino. É un agasallo máis para este club que xa é mítico, o Altruán, que está a colaborar con todos estes nenos e estas nenas que todos os anos temos que recibilos aquí gustosamente, tanto no ámbito feminino como masculino. Queremos darlles os parabéns e que sigan este camiño, que desfruten do deporte e que desfruten do piragüismo”.
O alcalde ribadense dirixiuse ás deportistas dicíndolles: “queremos darvos os parabéns por vos, polo voso equipo e por Ribadeo. É unha honra que teñades acadado medalla de bronce nun Campionato de España en Descenso e Travesías, é unha honra para Ribadeo que levedes o seu nome polo mundo adiante e ao mesmo tempo que o fagades nun deporte dos que se chaman minoritarios, pero que afortunadamente nos últimos tempos está collendo impulso e cada vez hai máis xente moza como vosoutras que se anima. Iso tamén nos leva a pensar que temos que redobrar os esforzos no apoio dado, sabemos que estas infraestruturas que tedes en Ribadeo non son as mellores posibles senón que necesitan moita máis mellora e aí estamos comprometidos para que no ano 2022 poidamos, dunha maneira ou doutra, darlles o impulso necesario, para facer algo tan básico como para que teñades unhas duchas ou para que teñades uns elementos de comodidade. Sabemos que todos os deportes son sacrificados pero os que teñen que estar ao aire libre, na ría, no inverno, no frío e na humidade, polo menos que o sufrimento vaia acompañado dunha certa recompensa de ter unhas instalacións o mellor dotadas posible”.
Ángela Fernández González quixo “agradecer o recoñecemento que nos fixo o Concello polo noso traballo, pero tamén quería dar as grazas á miña compañeira Andrea porque os resultados non os conseguiríamos separadas, xa non só porque estamos no mesmo barco, senón que en K1 mesmamente sempre nos axudamos unha a outra e eu creo que os resultados non serían os mesmos se non estivéramos compaxinándonos as dúas”.
Andrea Rodríguez Rodríguez dixo que “o máis importante é ter a alguén que te axude porque se nota moito, pero tamén queremos dar as grazas aos adestradores porque tanto Marcos como Fefo e Ramón nesta tempada, están esforzándose moito para que nós teñamos o mellor e demos o mellor de nós”.
Pola súa banda, José Ángel Fernández, membro da directiva do Club Altruán, subliñou: “queremos manifestar o orgullo que sentimos dentro do club, o orgullo que nos fan sentir esta parella de deportistas. Son xente moi nova pero, como di o seu actual adestrador, son paisanas que se visten polos pés. Son un exemplo de carácter, abnegación e responsabilidade. Desdí moitos estereotipos que hai sobre a xuventude e son expoñente desa xuventude que é verdadeiramente esperanzadora”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
