Trabada, 29 de decembro de 2021. O Partido Popular de Trabada anuncia que non descarta recorrer a cesión dos terreos sen urbanizar da Deputación ao Concello, aprobada polo pleno no día de onte, ao incumprirse o convenio que obrigaba ao organismo provincial a dedicalos a solo industrial. Esta decisión débese a que os populares non están de acordo co procedemento da alcaldesa pois, ademais de non informar aos grupos políticos deste trámite, o organismo provincial xa comprara en 2007 uns terreos para esta fin por valor de máis de 1,7 millóns de euros, que nunca foron urbanizados e tampouco se sabe a que se destinaron estes fondos.
Neste senso, o voceiro do Grupo Municipal, José María Fernández, lamenta que a rexedora e deputada socialista, dende que este Partido goberna na institución luguesa, non fose quen de “presionar” aos distintos presidentes e compañeiros políticos para executar esta infraestrutura que deixara encamiñada o Partido Popular antes dos cambios de goberno provincial e local.
“O que nos queda claro é que a Sra. García non lle fixo cumprir o acordo de hai 14 anos aos tres presidentes do PSOE que presidiron a Deputación nos últimos anos. Dende 2007 non se moveu absolutamente nada, a pesares de que dende o PP esiximos en varias ocasións que se lle dese prioridade á construción do polígono”. Tal é así que, remarca Fernández, “esta era un dos nosos compromisos que levábamos no noso programa electoral”.
Negociacións e argumentos sospeitosos
Por todo elo, dende o PP critican tamén o argumento da alcaldesa para xustificar o convenio, baseado en aproveitar os fondos europeos Next Generation. “Estes fondos ben poderían ir para outros servizos e infraestruturas se a Sra. García fixese valer a súa palabra e, sobre todo, a súa condición de alcaldesa, para que a Deputación executase o que estaba previsto en 2007. Moito nos tememos que nin o fixo antes, nin o vai facer agora”, advirte o voceiro popular.
Tal é así que Fernández manifesta: Non entendemos que hai detrás de todo isto. Preguntámonos que negociacións houbo entre a Sra. Mayra e o Sr. Tomé para chegar a este acordo”. Todo apunta, indica, “a que foron negociacións partidistas ou mesmo particulares de cada un deles para seguir ocupando sillas”, conclúe.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
