Nota de Prensa
O BNG convida á sociedade mariñá a participar dos actos do 25 de xullo, Día da Patria Galega
Os nacionalistas fletarán autobuses para acudir ao festigal organizado por Galiza Nova e a Fundación Galiza Sempre
Na Mariña están previstos actos en varias localidades arredor do Día da Patria
A Mariña, 8 de xullo de 2010. O BNG presentou hoxe en rolda de prensa ofrecida por membros da Executiva Comarcal a campaña do “Día da Patria Galega” na que anunciaron a celebración de actos en varias localidades da comarca para celebrar o “Día da Patria Galega” que terá como acto central a manifestación do día 25 de xullo nas rúas de Compostela e o http://www.festigal.com/ que un ano mais porá en escena os días 24 e 25 de xullo no Campus Universitario Sul de Compostela concertos, foros de debate cultural e político, galería audiovisual, espazo de animación, zona de xantar, feiras, etc. Para o que anunciaron a posta a disposición de autobuses e o teléfono 982140654 para anotarse.
Autobuses para acudir ao FESTIGAL e á manifestación do 25 de xullo en Compostela
O BNG presentou hoxe en rolda de prensa os actos de celebración do 25 de xullo “Dia da Patria Galega” nos que o nacionalismo galego conmemora actos pola afirmación da nosa identidade colectiva tal como quedou instaurado polas Irmandades da Fala en 1920. Os nacionalistas fan un chamamento a participar do conxunto dos actos que se celebrarán na comarca da Mariña e tamén nas datas do 24 e 25 de xullo no FESTIGAL e na manifestación que terá lugar en Compostela o 25 de xullo. Neste sentido expuxeron o conxunto dos actividades organizados para o FESTIGAL 2010 que se celebrará os días 24 e 25 no Campus Sul de Compostela e poden ser consultados na web http://www.festigal.com/ , entre os que destacaron os concertos, os foros de debate sobre cultura e política, galerías do audiovisual e o teatro, feira de artesanía, espazos de animación, café concerto, zona de xantar. O BNG anunciou a posta a disposición das persoas que queiran asistir poderán facelo en autobús anotándose no teléfono 982140654
Actos paralelos en diferentes localidades da comarca da Mariña
A Executiva Comarcal do BNG animou tamén a participar dos actos previstos pola organización na comarca da Mariña entre os días 10 e 31 de xullo. Os nacionalistas anunciaron actos en diferentes formatos que terán inicio o sábado 10 no Muíño do Almacén de Cervo cun mitin Festa no que intervirá o Deputado nacionalista no Congreso e Membro da Executiva Nacional, Francisco Jorquera ás 20.00hrs. O domingo 18 ás 14.00hrs. haberá un mitin xantar na área Recreativa de Sto. Estevo do Ermo en Barreiros no que intervirá o histórico dirixente nacionalista, Bautista Álvarez. O venres 23 de xullo ás 21.00hrs. na Praza das Rodrigas de Riotorto haberá un mitin cea coa intervención do membro da Executiva Nacional, Francisco Rodríguez.. O sábado 24 de xullo ás 14.00hrs. haberá un mitin xantar na área Recreativa da Fervenza de Mondoñedo, e no mesmo día celebrarse unha merenda mitin nos Xardíns Municipais de Viveiro que incluirá a actuación de Mini e Mero. Por último, aínda que poderían celebrase mais actos, pecharase cun acto comarcal no Porto de Foz o día 31 de xullo a partir das 19.30hrs. cunha chicharrada popular que contará coa intervención do Portavoz Nacional do BNG Guillerme Vazquez. o mesmo día celebrarse ás 14.00hrs. un mitin xantar na área Recreativa do Monte Castelo en Burela.
O 25 de xullo, data emblemática para o nacionalismo galego
A Executiva comarcal recalcou a necesidade de participar nos actos do 25 de xullo, unha data emblemática para o nacionalismo galego, moito mais nun contexto no que o actual goberno do PP non ten reparos e atacar un dos sinais de identidade colectiva do pobo galego como e a lingua aprobando normativas como o decretazo do galego que retrotrae os dereitos lingüísticos á tempos preautonómicos. Na mesma liña criticaron o peche ao público do Panteón de Galegos Ilustres de San Domingos de Bonaval para o que pediron a súa apertura e lembraron que o próximo xoves 15 de xullo organizado pola Asociación de Escritores en Lingua Galega http://www.aelg.org/GetActivityById.do?id=189 coa colaboración doutras asociacións e o apoio de mais de 200 colectivos culturais, celebrarase un cortexo cívico en conmemoración do traslado dos restos mortais de Rosalía de Castro que tivo lugar o 25 de maio de 1891.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
