Foz, 14 de xaneiro de 2022. O Concello de Foz anuncia que a praza de policía local de Foz vacante está incluída dentro da convocatoria da Academia Galega de Seguridade Pública do próximo xoves, 20 de xaneiro.
No Diario Oficial de Galicia deste xoves, día 13 de xaneiro, saíu publicada unha resolución da Academia Galega de Seguridade Pública na que se aumentan as prazas convocadas para policías locais por acceso libre de 29 a 70 prazas. Foz é un dos novos concellos que se relacionan, incluíndo por tanto a praza vacante que se recollía na oferta de emprego público do Concello do ano 2021, aprobada e enviada o pasado mes de novembro.
O alcalde, Fran Cajoto, está “moi satisfeito pola vindeira convocatoria. O primeiro exame será xa o próximo xoves, 20 de xaneiro, e poder completar o cadro de persoal da Policía Local conforme á Relación de Postos de Traballo era unha das nosas teimas e vaise facer efectivo este ano. Cando chegamos ao goberno había soamente 7 efectivos, incluíndo o oficial, e chegaremos aos 9 da RPT durante este ano 2022. Así, coas dúas recentes incorporacións e o axente que se sumará, poderemos continuar coa quenda de tarde e ofrecer un servizo máis completo”.
O rexedor municipal engade que “non só en número de axentes, incidimos tamén nos procedementos, organización e equipamento da Policía Local. Aos poucos meses de chegar á Alcaldía asinamos o convenio de selección coa Academia Galega de Seguridade Pública, agora a Policía dispón de equipo de medición de ruídos -sonómetro- e de control de alcoholemia -etilómetro-, este último cedido pola Dirección Xeral de Tráfico, cos que antes non contaba. Cunha reorganización do servizo dispuxemos sempre un mínimo de dous axentes por quenda, para facer máis seguro o traballo tanto para os axentes como para as veciñas e veciños. Sempre incidimos en que o principal cometido da Policía non é multar senón axudar aos cidadáns en infinidade de cuestións”.
“Os feitos están aí. En novembro do ano pasado o Partido Popular acusábanos falsamente de deixamento e incompetencia neste asunto. A praza está convocada e como goberno a nosa responsabilidade é seguir traballando”, remata Fran Cajoto.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
