Nota de Prensa
As Directrices de Ordenación do Territorio deixan fora de ordenación a núcleos como
San Miguel, San Cosme,Fazouro, Forxan, Nois,Cangas, O Cantiño, Lieiro, Portocelo, Covas ou Celeiro.
O Bloque Nacionalista Galego denuncia que as Directrices da Ordenación do Territorio actualmente en fase de exposición pública para alegación só recoñece como núcleos de identidade litoral Ribadeo(vila), Rinlo, Foz(vila), Burela, San Cibrao, Viveiro(Vila) e Vicedo. Segundo os nacionalistas “isto significa que a Xunta de Galiza insiste coma a mesma proposta que xa se atopaba no Plano de Ordenación do Litoral, coa única modificación que elimina un núcleo que se recollía no avance do POL, como era o caso de Portocelo”. O BNG advertiu que tal como se recollen na normativa do POL e que o mesmo Director Xeral de Sustentabilidade só van ser posíbeis os usos residenciais no ámbito da Galiza costeira aquelas entidades de poboación que teñan esta consideración.
Antonio Veiga criticou que “é unha autentica tomadura de pelo que o documento en cuestión, elaborado tamén polo departamento de Borobio, non introducise as mudanzas que este se comprometera a realizar no seu momento cos Concellos afectados, en canto ao recoñecemento de novos núcleos, e que mesmamente se procedera a eliminar un como acontece con Portocelo en Xove”. “Borobio enganou aos representantes dos Concellos da Mariña con que se comprometeu a recoller novos núcleos “ afirmou Veiga quen animou aos veciños da Mariña “a ler nas hemerotecas o que fai un mes afirmaba o Director Xeral de Sustentabilidade o Sr. Borobio sobre o recoñecemento de novos núcleos e a realidade actual”afirmou Veiga.
Neste sentido desde o BNG denuncian que a propia normativa do POL, que ten o seu asento nas Directrices de Ordenación do Territorio e que polo tanto non poderá contradicir, establece que aquelas entidades de poboación que non teñan a consideración de núcleo de identidade litoral pasaran a considerarse como fóra de ordenación. “ O paradoxo é tal que núcleos como San Miguel, San Cosme,Fazouro, Forxan, Nois,Cangas, O Cantiño, Lieiro, Portocelo, Covas ou Celeiro quedan na súa totalidade fora de ordenación tendo que impedir nos seus planeamentos futuros os Concellos usos residenciais no mesmo” informou Veiga quen recordou os compromisos de Borobio que no caso de Viveiro se comprometeu a recoñecer a Covas e Celeiro e no caso de Foz os núcleos que vimos de enumerar.
Na opinión dos nacionalistas o documento evidencia cales son as liñas que vai seguir a Xunta de Galiza a hora de aprobar o POL e de xeito moi concreto o engano ao que someteu Goberno Galego e o Partido Popular as corporacións locais e aos veciños da Mariña. Veiga que anunciou que “o BNG vai presentar as alegación ao conxunto das directrices na medida que non cumpren coas expectativas agardadas para un documento polo que levamos esperando 17 de anos” esixiu “que a Xunta de Galiza clarifique se vai manter os Núcleos de Identidade Litoral recollidas no POL ou nas Directrices ou ben vai asumir as propostas que comprometeu recoñecer diante dos representantes das Corporacións da Mariña”. No mesmo sentido anunciaron que van presentar mocións en todos os Concellos a fin de que as Corporacións sitúen a defensa dos intereses dos seus veciños por riba doutras cuestións, tachando de “lamentábel a actitude das Corporacións con maioría absoluta do PP que deixaron só aos seus veciños neste tema”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
