Ribadeo, 2 de febreiro de 2022. O CIM continúa coa educación en igualdade por medio de diversas actividades. Desta volta será cuns talleres de educación sexual dirixidos ao alumnado dos centros de ensino. Son: De bo rollo! e PorNo(n)Educar.
A concelleira de Igualdade, Mariluz Álvarez Lastra, explica que “De bo rollo! é para 2ª Básica do CIFP Porta da Auga, 3ºESO e 1ºBAC Coed. do IES Ribadeo e 1º e 2º ESO do Colexio Sagrado Corazón. É unha actividade xeral sobre sexualidade, diversidade e xestión saudable das relacións. Ten como eixes transversais o autocoñecemento do corpo, a xestión das emocións, o bo trato e a autoestima. A finalidade deste curso é traballar a comunicación asertiva, a posta de límites e a negociación para garantir as relación desexadas libres de coacción e violencias”.
A edil ribadense sinala que “PorNo(n)Educar é para Ciclo Medio do CIFP Porta da Auga, 4º ESO e 1ºBAC Coed. do IES Ribadeo e 3º e 4º ESO do Colexio Sagrado Corazón. Ten como obxectivo xeral xerar pensamento crítico e reflexionar conxuntamente sobre os contidos que aparecen na pornografía, intentando evitar que se converta nun axente educativo para as futuras xeracións. Tamén proporciona información clara e rigorosa sobre a pornografía para identificar que tipo de modelos, corpos, roles de xénero e erótica se transmiten a través dos medios de comunicación e en concreto da pornografía, e como isto inflúe nos nosos vínculos e na nosa sexualidade. Neste taller buscarase a participación activa do alumnado estimulando a reflexión grupal, o debate, a formulación de preguntas e a busca de respostas conxuntas para promover o pensamento crítico sobre a temática”.
Álvarez Lastra engade que “os talleres serán impartidos por persoal especializado que realiza proxectos de educación sexual e actividades divulgativas de sexoloxía para centros educativos, asociacións que traballan con usuarias con discapacidade, centros de información a muller, e colabora como persoal docente en formacións para profesionais sobre sexualidade e discapacidade. Queremos dar as grazas ao Centro de Psicoloxía Sanitaria especializado en Sexoloxía “Con mucho gusto!“ pola súa colaboración”.
Estes obradoiros desenvolveranse os días 7 e 9 de febreiro no CIFP Porta da Auga, o 8 e 9 de febreiro no IES de Ribadeo e do 14 ao 16 de febreiro no Colexio Sagrado Corazón.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
