Foz, 4 de febreiro de 2022. O grupo municipal do PP de Foz comprobou con preocupación na máis recente sesión plenaria que o alcalde, Fran Cajoto (PSOE), non comprendera ata o momento á incidencia decisiva que pode ter para o municipio a construción da central hidroeléctrico que se proxecta en O Valadouro. O PP espera que, unha vez que explicou a Cajoto como pode influír dita infraestrutura en Foz, se tome en serio este asunto e o siga con moita atención. O portavoz popular, Javier Castiñeira, explica: “O grupo municipal popular preguntou no pleno ordinario ao alcalde se o equipo de goberno estaba ao tanto dese proxecto de construción dunha central hidroeléctrica en O Valadouro, unha central que suporía a realización de dous encoros”. Castiñeira lembra que “o equipo de goberno local vén de anunciar innumerables alegacións a diferentes proxectos que afectan ao noso concello: o espigón na praia do Altar e a varios parques eólicos”. Engade: “No caso da central hidroeléctrica que se proxecta en O Valadouro, a resposta do alcalde sorprendeunos moito; supoño que por descoñecemento do propio proxecto, dixo que non afecta para nada ao municipio de Foz e que polo tanto non tiñamos nada que pintar nese proxecto”.
Os populares aclararon a Cajoto “que si afecta ao concello de Foz, porque ese encoro faise nun rego que verte no río Ouro, que pasa polo medio do noso municipio, dende San Acisclo ata Fazouro”. Castiñeira di: “É un río moi importante para o noso concello, non só pola importancia medioambiental que ten e porque existe unha piscifactoría; o máis importante de todo é que o Ouro é o río do que capta a auga o concello de Foz, o 90%. Polo tanto, calquera variación do caudal dese río pode afectarnos, especialmente en verán, cando xa vai moi xusto para dar auga á cantidade de xente que hai no noso concello, canto máis se falla o caudal”.
O PP non se posiciona nin a favor nin en contra desa central, pero pide ao equipo de goberno o mesmo interese que noutros casos, porque afecta ao Concello de Foz. Castiñeira di: “Estamos pendentes de ampliar o permiso de captación, e nos informes pode constar esta circunstancia; hai que mirar se esa central hidroeléctrica podería afectar de forma negativa ao caudal do río Ouro; señor alcalde non se esqueza disto porque nós cremos que si pode afectar ao concello de Foz e de maneira bastante importante”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
