LUGO .- A Consellería de Traballo e Benestar leva a cabo unha decena de medidas que está a levar a cabo este departamento en materia de igualdade para apoiar á muller no seu acceso e promoción no mercado laboral
Nota de Prensa
TRABALLO REVISA POR PRIMEIRA VEZ EN GALICIA MÁIS DE CEN CONVENIOS COLECTIVOS PARA GARANTIR OS PRINCIPIOS DE IGUALDADE
* A conselleira de Traballo e Benestar, Beatriz Mato, asistiu en Lugo á Escola de Mulleres Dirixentes de UGT
* Anunciou que o Servizo de Igualdade Laboral estudará os convenios de todas as empresas co fin de detectar calquera cláusula que poida ir en contra da igualdade de oportunidades entre homes e mulleres
* A titular do departamento autonómico deu a coñecer unha decena de medidas que a Consellería está a desenvolver en materia de igualdade
* Destacou que tras o verano se porá en marcha o Programa Executiva, un proxecto novidoso na Comunidade autónoma para dotar a un grupo de 200 mulleres de ferramentas que reforcen as súas habilidades de liderado
* A Xunta destinou máis de 800.000 euros para favorecer e apoiar a implantación de plans de igualdade nas pequenas e medianas empresas
* No mes de xullo constituirase, no seo do ISSGA, a comisión permanente para a integración da igualdade nas políticas autonómicas de prevención de riscos laborais
Lugo, 10 de xullo de 2010.- A Consellería de Traballo e Benestar deu a coñecer hoxe a decena de medidas que está a levar a cabo este departamento en materia de igualdade para apoiar á muller no seu acceso e promoción no mercado laboral.
Así, a titular do departamento autonómico, Beatriz Mato, detallou no acto de inauguración da cuarta edición da Escola de Mulleres Dirixentes de UGT, que se celebrou en Lugo, as diferentes actuacións que se están a desenvolver neste sentido, entre as que destacou o feito de que por primeira vez en Galicia, o Servizo de Igualdade Laboral de Traballo está a revisar e controlar todos os convenios colectivos, sectoriais e de empresa “co obxectivo de detectar calquera cláusula que poida ser contrario aos principios de igualdade”, apuntou.
Neste sentido, calquera irregularidade remítese nun informe á Comisión Consultiva para que inicie un procedemento encamiñado a corrixir os posibles sesgos de xénero nos convenios. Ata o momento, xa son máis de 100 os convenios que estudou este servizo.
Ademais, Mato resaltou que a Xunta aposta pola negociación colectiva como factor dinamizador do respecto ao principio de igualdade de trato e de oportunidades entre homres e mulleres e, por iso, lembrou que o Goberno galego puxo en marcha o pasado mes de maio a Comisión Consultiva Autonómica para a igualdade na negociación colectiva. Trátase dun órgano adscrito ao Consello Galego de Relacións Laborais que actúa con funcións de asesoramento, control e promoción da igualdade por razón de xénero na negociación colectiva galega.
A conselleira resaltou, ademais, que Traballo porá en marcha tras o verano o programa Executiva, unha iniciativa baseada na formación e na orientación “para dotar ás mulleres de ferramentas que reforcen as súas habilidades de liderado”, subliñou.
Indicou que este proxecto, que se pon en marcha por primeira vez en Galicia, estará destinado a un grupo de 200 mulleres. “Executiva non está dirixido só ao sector feminino que ostenta determinadas responsabilidades, senón tamén ás emprendedoras”, recalcou.
Así mesmo, Mato lembrou que a Consellería está a elaborar un catálogo de empresas que estean obrigadas a facer plans de igualdade, aquelas firmas que contan con máis de 250 traballadores. A titular de Traballo apuntou que as previsións da Xunta son que esta guía conte con máis de 130 empresas galegas.
Axudas para plans de igualdade
Outra das medidas postas en marcha por Traballo son dúas ordes por valor de 800.000 euros para favorecer e apoiar o desenvolvemento e implantación de plans de igualdade nas pequenas e medianas empresas. Unha das axudas circunscríbese estritamente á elaboración de plans e a outra, no marco da Responsabilidade Social Empresarial, ten moi en conta a presenza de políticas empresarias pro igualdade.
Así mesmo, Mato sinalou que este mesmo mes de xullo constituirase, no seo do Instituto Galego de Seguridade e Saúde Laboral (ISSGA), a comisión permanente para a integración da igualdade nas políticas autonómicas de prevención de riscos laborais.
“A perspectiva transversal das actuacións do Goberno galego ten o seu reflexo nesta iniciativa que será un órgano para impulsar a elaboración de estudos, información e asesoramento técnico, vixencia e control sobre actuacións específicas en materia de prevención sobre sectores laborais femininos”, recalcou a conselleira. A comisión estará formada por técnicos do ISSGA, sindicatos e empresarios.
Con respecto ás accións formativas, a titular do departamento autonómico lembrou que todas elas inclúen un módulo específico de igualdade de xénero e sobre o fomento das medidas de conciliación da vida persoal, familiar e laboral destacou que a Xunta ten “moi en conta” a introdución da corresponsabilidade.
“Por iso, a Lei de Impulso á Familia, que imos aprobar este ano, leva da man a corresponsabilidade e a conciliación cun título concreto adicado a estas materias”, apostilou.
Por último, Mato lembrou que o Goberno galego puxo en marcha a Marca Galega de Excelencia en Igualdade, unha iniciativa que en poucos meses logrou que 7 empresas xa opten a este rexistro, e, así mesmo, explicou que a Xunta está a prestar apoio técnico e económico ás medidas municipais de conciliación, como os bancos de tempo e os plans de programación do tempo na cidade.
“Como vedes, a posta da Xunta por lograr unha igualdade real de oportunidades é global e ampla, un proxecto que logrará unha economía máis sólida, unhas empresas máis competitivas, un mercado laboral con máis oportunidades e unha sociedade plenamente integradora”, concluíu.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
