Lugo, 11 de febreiro de 2022. A Xunta de Goberno da Deputación de Lugo aprobou este venres a listaxe de 135 colectivos admitidos para participar na segunda tempada do programa Coñece a túa provincia, unha iniciativa que consiste en viaxes gratuítas pola xeografía lucense para entidades sen ánimo de lucro que impulsou a institución coa dobre finalidade de fomentar o coñecemento da riqueza patrimonial da provincia entre a propia veciñanza e apoiar a actividade dos sectores hostaleiro, turístico e comercial, dos máis prexudicados pola pandemia.
A Voceira socialista do Goberno e tamén Deputada de Réxime Interior, Promoción do Territorio e Turismo, Pilar García Porto, explicou que das 170 solicitudes recibidas durante o período de inscrición, foron admitidas 135 seguindo a orde de inscrición ata completar as prazas dispoñibles, tal e como sinalan as bases.
Ademais, aceptáronse 32 entidades que entran na listaxe de agarda e tres solicitudes foron excluídas por non cumprir con algún dos apartados da convocatoria.
Nesta segunda convocatoria do programa Coñece a túa provincia 3.036 persoas gozarán das viaxes, que terán lugar en dúas quendas, entre a semana do 14 de marzo e oo 30 de xuño, e da 12 de setembro a novembro.
A Voceira lembrou que “rematamos a primeira edición do programa con moi boas sensacións e cunha resposta dos participantes moi boa. Esta segunda convocatoria demostra que o traballo fíxose ben e estamos moi contentos e orgullosos do poder de convocatoria desta iniciativa”. O programa “naceu con vocación de continuidade e contribuirá, de maneira moi importante, á recuperación sostible do sector turístico, da hostalería e do comercio local, os sectores máis castigados pola pandemia gracias ó seu efecto multiplicador”.
Granxa Gayoso Castro
A Xunta de Goberno sacou tamén adiante a adxudicación da prestación de servizos veterinarios na Granxa Provincial Gayoso Castro da Deputación Provincial de Lugo. Foron aprobados o servizo especializado en podoloxía para o desenvolvemento do programa de prevención de coxeiras e problemas podais a Diego Villasante Armas por un importe de 6.160€
García Porto explicou que tamén se adxudicou, no mesmo contrato, o servizo de reprodución e mellora xenética por 60.000€ a Xénese E.T.E. Veterinarios S.L. A duración do contrato será dun ano, podendo prorrogarse por un período de tempo de un ano máis.
Recursos humanos
A Xunta de Goberno aprobou a licitación por 6.899,47€ e un ano de duración do contrato para o mantemento das licencias de uso do sistema para a xestión do control horario do persoal da institución provincial.
Centros de Atención a Maiores
Así mesmo, a Xunta de Goberno aprobou a autorización da cesión dos contratos dos servizos de prestacións básicos nos centros de atención a maiores de Trabada e Pol á empresa galega Troncoso Casares S.L., que xa traballa na residencia de Meira.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
