Burela, a 11 de febreiro de 2022. O voceiro do Grupo Municipal Popular, Manuel Rouco, lamenta que “o señor Llano culpe da suspensión indefinida do mercado semanal dos venres en Burela aos comerciantes ambulantes por provocar altercados o pasado venres”. Así se desprende das explicacións que o alcalde lle ofreceu ao Grupo Municipal Popular que considera “moi triste a imaxe que ofrecía este venres a localización do mercado semanal de Burela coas rúas practicamente desertas. É a primeira vez na historia que se suspende sen que haxa ningunha situación meteorolóxica perigosa ou algunha cuestión sanitaria de emerxencia”, incide o voceiro.
Rouco explica que “o alcalde nos indicou que os comerciantes se reubicaron o último venres nunha soa rúa pola súa conta e risco; sen a mediación de ningún técnico ou autoridade municipal”. Igualmente, “o señor Llano tamén nos trasladou que a ningún deles se lles incrementou a taxa que están a pagar por metro de posto”.
Pero, “todas estas afirmacións feitas polo alcalde foron desmentidas por numerosos comerciantes que se deron cita ese día”. É máis, “son numerosas as voces do colectivo de comerciantes ambulantes que se queixan da mala planificación do goberno de Llano ao tratar de colocalos a todos nunha única rúa en Torrentes e tamén da suba inxustificada, e sen ningún tipo de explicación, das taxas para gran parte deles: arredor dun 50% con respecto ao venres anterior”.
O Partido Popular de Burela teno claro: “os primeiros interesados en que o mercado semanal de Burela funcione son os comerciantes e os veciños. Polo que tratar de diluír a responsabilidade como fai Llano é unha tomadura de pelo”.
Os populares pregúntanse, polo tanto, “ata cando o señor Llano seguirá a tomar decisións de costas á veciñanza e aos diferentes sectores que se vén afectados”. E ante estes desmáns, lamentan tamén que “a súa muleta permanente, o BNG, dea calada por resposta apoiando co seu silencio cómplice o mal proceder do goberno do señor Llano”.
“O BNG vende fume: a taxa municipal ás farmacias xa non se pode cobrar debido a unha sentenza xudicial do 2019”
Os populares consideran, así mesmo, que “o BNG asume a estratexia do goberno local vendendo fume aos veciños como é o caso da súa suposta negociación para que as farmacias de Burela non se lles cobre a taxa municipal de expendeduría na quenda de garda, algo que xa sucedía debido a unha sentenza xudicial do ano 2019 que obrigaba ao goberno de Llano a recuar nesta inxusta pretensión; xa anticipado no seu día polo goberno local do PP”.
Rouco aclara que “en esencia, o cobro desta taxa ás farmacias é algo que non sucedía porque a ordenanza que pretendía regular este goberno municipal xa fora paralizada no último pleno ordinario do ano 2021 debido, en boa medida, ao posicionamento do Grupo Municipal Popular. Agora, o que conseguiu o goberno socialista do señor Llano coa inestimable apoio do BNG foi subirlles as taxas a tódolos veciños e veciñas da nosa vila”, conclúe.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
