Burela, 15 de febreiro de 2022. A concelleira de Servizos Sociais, Carmela López, e a directora da Fundación Eu Son, Noelia Eijo, mantiveron esta mañá un encontro en San Caetano co director xeral de Maiores e Persoas con Discapacidade, Fernando González Abeijón, ao que lle reclamaron a creación de prazas concertadas para o centro de día da devandita Fundación.
A concelleira de Servizos Sociais explicou que “o que quixemos foi amosarlle a nosa preocupación e inquedanza, porque xa son dez anos nos que o centro de día da Fundación Eu Son non conta coas tan necesarias prazas concertadas para que este sexa sostible economicamente”.
Carmela López manifestou que “estes dous últimos anos en concreto, e como consecuencia da situación sanitaria, na que o centro ao non ter este tipo de prazas, se viu excluído de calquera tipo de axuda. É o centro ocupacional o que o mantén en funcionamento”.
A concelleira de Servizos Sociais dixo que “despois de varias solicitudes e reunións nestes últimos dous anos o balance que podemos facer do encontro é positivo. A xuntanza foi cordial, o que agardamos é que se teñan en conta as necesidades tan importantes que ten a Fundación Eu Son para prestar o mellor servizo posible aos seus usuarios e usuarias”.
López engadiu que “o director xeral valora o labor da Fundación Eu Son estes anos e comparte as necesidades e as dificultades que este centro ten hoxe en día para sosterse economicamente. Por iso mostrou interese ante a reiterada petición por parte desta concelleira e da directora da Fundación Eu Son”.
A edil indicou que “tamén lle trasladamos ao director xeral de Maiores e Persoas con Discapacidade a firme intención do Concello de crear en Burela unha residencia para persoas con discapacidade intelectual, seguindo o novo modelo residencial, xa que o consideramos vital para que os usuarios da comarca poidan manter unha calidade de vida digna sen desarraigarse da súa contorna. Fernando González facilitounos información e os pasos a seguir de cara a solicitar as subvencións necesarias para levala a cabo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
