A teniente de alcalde de Burela, Neves Cando, di que ao seu grupo non lle constan as supostas irregularidades denunciados polo demetido secretario de organización do PSOE local sobre a concelleira de Educación e Medio Ambiente, Lucía Bouza. Cando asegura que desde o seu grupo municipal <sempre defendemos e reclamamos transparencia e obxectividade nos procesos de selección do persoal e como tal desde o BNG así estamos a actuar>.
A edil nacionalista tilda de <serios problemas de carácter interno> aos últimos acontecementos acaecidos no seo do PSOE burelés e que salpicaron aos membros do equipo de goberno e engade que <agardamos que poidan e deban resolverse no seu do seu partido. O demetido secretario de organización lanzaba á luz unha serie de acusacións sobre os integrantes socialistas do grupo de goberno que nós cremos que deben ter unha resposta clara e contundente por parte do alcalde que é o máximo responsable do seu grupo>.
Neves Cando di que <desde o BNG reiteramos o compromiso do noso grupo de traballo por Burela e así o estamos a facer desde o primeiro en que asumimos responsabilidades de goberno levando para adiante proxectos que xa son unha realidade no ámbito do deporte, a cultura, o turismo, a industria, a igualdade, o benestar….>.
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
Trátase dun proxecto educativo pioneiro en Galicia que traballa a autoestima, a motivación e as intelixencias múltiples. A directora, Raquel Hermida, salienta que o programa busca fomentar o talento infantil a través de experiencias novas, traballo en equipo, creatividade e proxectos de emprendemento. A escola funcionará de 8:00 a 15:00 horas para facilitar a conciliación e ofrecerá talleres de oratoria, comunicación e intelixencia emocional, ademais de reforzo escolar, novas tecnoloxías e mecanografía. As persoas interesadas poden obter máis información no teléfono 982 58 50 98 ou no correo raquel@amarina.org.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
