Burela, 27 de febreiro, 2022. A Historia das Guerreiras Laranxas non ten capítulo final. O Pescados Rubén Burela FS converteuse en tetracampeón de Supercopa de España tras impoñerse 2-1 a Futsi Atlético Navalcarnero no Palacio Municipal de Deportes de Jerez de la Frontera. A capitá, Peque, recibiu o undécimo trofeo consecutivo das filas mariñás de mans do presidente da Real Federación Española de Fútbol, Luís Rubiales, para brindarllo a toda a afección pero especialmente dedicado á memoria dunha das incondicionais da Bancada Laranxa, Ana Nogueira.
Nuns primeiros minutos de toma de contacto entre dúas escuadras cautas foi Ale de Paz quen protagonizou a primeira gran ocasión, ao segundo pau nunha chegada de Peque con unha magnífica resposta de Marta Balbuena. Aos poucos, a prudencia deu paso ás ganas. Irene Córdoba, a pase de Ame Romero, dispuxo dunha con moito perigo pero foi Laura a encargada de subir o 0-1 tras unha boa saída de Jozi Oliveira #ante Anita Luján. As mariñás rozaron o empate chegando ao descanso, a tan só 29 segundos, cun pase longo da meta laranxa a Ale de Paz.
As mariñás igualaron a contenda no regreso cunha gran recuperación de Irene Samper servida a Emilly que buscou á excepcional Peque ao segundo pau; triangulación de libro. Nunha segunda parte na que as Guerreiras atopábanse cada vez máis cómodas e con máis perigo, Cami deulle ao Peixes Rubén a iniciativa no electrónico no minuto 30, nun mísil á escuadra. Peque e Cilene rozaron o terceiro. Tamén o rozou Emilly con case catro minutos por diante e apostou o Futsi con Anita Luján como porteira xogadora ante un Burela FS impertérrito.
Ficha técnica
Pescados Rubén Burela FS: Jozi Oliveira, Peque, Cami, Irene Samper, Emilly, cinco inicial; tamén xogaron Ale de Paz, Dany, Cilene, M. Cortés,
Futsi Atlético Navalcarnero FS: Marta Balbuena, Ari, María Sanz, Irene, Ame Romero, cinco inicial; tamén xogaron Ju Delgado, Anita Luján, Laura Córdoba, Lora, Becha
Goles: 0-1, minuto 15, María Sanz; 1-1, minuto 22, Peque; 2-1, minuto 29, Cami
Árbitros: Felipe Madorrán // Urdanoz Apezteguia. Por Futsi amarela para Ju Delgado (minuto 18). Por Burela amarelaa para Leti Cortés (minuto 34).
Incidencias: Partido correspondente á Supercopa de España disputado no Palacio dos Deportes de Jerez de la Frontera. O presidente do Pescados Rubén Burela FS, Manuel Blanco estivo arroupado no palco de autoridades polo presidente e o vicepresidente da RFGF, Rafael Louzán e Pablo Prieto, e o concelleiro de Deportes de Burela, Ramiro Fernández.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
