Burela, 2 de marzo de 2022. O alcalde, Alfredo Llano, mantivo esta mañá en Santiago un encontro co xerente do Consorcio Galego de Igualdade e Benestar, Perfecto Rodríguez, para analizar as demandas das dúas escolas infantís da localidade co obxectivo de ofrecer o mellor servizo posible á veciñanza. Llano fixo un balance positivo da xuntanza de hoxe.
O rexedor explicou que “por petición do Consorcio Galego de Servizos de Igualdade e Benestar, a través do xerente, Perfecto Rodríguez, estivemos hoxe en Santiago falando das dúas escolas infantís que temos en Burela. Repasamos o funcionamento integral destes centros para ofrecer un bo servizo, que eu penso que o xa hai nas escolas infantís de Burela. Pero hai algunhas cuestións que había que abordar, como é o deterioro do valado e das dúas cancelas de entrada que temos na escola infantil dos Castros. Estivemos mirando como se pode facer para substituílas o antes posible, dado que incluso poden supoñer un perigo para os usuarios. Vanse reparar o antes posible, con material de calidade e resistente que non se oxide tan doado. Estivemos falando tamén doutros problemas que hai nesa escola infantil, como a bomba de calor, e falamos de cómo optimizala porque agora o prezo da electricidade condiciona moito o investimento que hai que facer ao longo do ano”.
Llano contou que “tamén falamos da escola infantil que está no Vista Alegre porque hai unha serie de peticións por parte da directora con respecto a investimentos para atender ben aos rapaces e que teñan todos os servizos adaptados ás súas idades, de 0 a 3 anos”.
O alcalde de Burela dixo que “chegamos a unha boa conclusión, houbo fluidez na comunicación e hai interese mutuo para que todo funcione perfectamente. Non van tardar en facer unha visita ás dúas escolas para ver in situ como se poden atender da mellor maneira posible as necesidades que manifesten as direccións dos centros e os usuarios. Polo tanto foi unha reunión agradable e frutífera tanto para o Concello como para o Consorcio. Así que enseguida se notará o que tratamos hoxe, quedamos de volver falar en Burela de cómo atender mellor o servizo, aínda que eu penso que agora mesmo xa se está dando moi boa atención, de calidade, nestes dous centros infantís de Burela”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
