Viveiro, 2 de marzo, 2022. Fixeron falta numerosas iniciativas por parte do BNG para que o parque Pernas Peón teña por fin un proxecto de recuperación, entre elas: unha concentración, a plantación de árbores autóctonas e numerosas iniciativas en pleno ante a improvisación e falta de actuacións no parque. Así, hai máis de dous anos preguntábamos polo suposto proxecto de recuperación que afirmou ter a alcaldesa María Loureiro despois dunha das intervencións da nosa concelleira, mais resultou que nas dependencias do Concello non existía tal. Tamén presentamos unha moción para instar á realización do proxecto de recuperación na que o PSOE de Viveiro votou en contra xa que, segundo eles, este parque non necesitaba de recuperación algunha e que votar a favor da nosa moción suporía ter que levala a cabo, após de criticar duramente á nosa concelleira polo feito de querer ter un parque público en condicións.
A falta de coñecer o proxecto, O BNG agarda que se desenvolva nun proceso participativo no que a veciñanza poda manifestar as súas prioridades nos novos usos potenciais deste parque, mais dende o BNG cremos que para a súa conservación e recuperación é necesario que se contemple unha repoboación con árbores autóctonas e especies vexetais medio-baixas en diferentes zonas para dar abrigo e recuperar a intimidade para utilizar as mesas, a recuperación dos seus monumentos, así como tamén pequenas obras que impulsen á práctica deportiva.
Con todo, seguen sendo aínda necesarias actuacións nos elementos cos que xa conta o parque como a eliminación total dás árbores en mal estado, retirar os eucaliptos xa que supoñen un perigo para as persoas con cada vendaval, así como desenvolver as medidas necesarias para erradicar a procesionaria aínda presente no parque.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
