Lugo, 5 de marzo de 2022. A Deputación de Lugo pon o broche de ouro ao ciclo de concertos Con Voz de Muller 8-M este domingo en Barreiros coa actuación de Habelas Hainas. Será no Centro Sociocultural Manuel Díaz Sampedro, en San Cosme, ás 19:00 horas, e forma parte desta nova iniciativa organizada por primeira vez este ano pola institución, que pretende achegar aos concellos da provincia música en feminino con motivo do Día Internacional da Muller, que se conmemora cada 8 de marzo.
A Deputada de Muller e Igualdade, María Loureiro García, anima á veciñanza da Mariña e do resto de comarcas da provincia a unirse a este concerto que será gratuíto. “O directo de Habelas Hainas é marabilloso e creo que nos van sorprender unha vez máis, elas son catro mulleres cun repertorio de música tradicional dándolle unha visión fresca e actual”, explica.
Loureiro incide en que mulleres coma as compoñentes de Habelas Hainas son un exemplo “para todas nós e para as nosas nenas e nenos”. “O que pretendemos con este ciclo é sensibilizar, romper estereotipos e favorecer a visibilización e o empoderamento das mulleres a través da música de mulleres con voz propia que cantan e expresan os nosos dereitos a través da música, como o fan os catro grupos que eliximos para o cartel”.
A Deputada pon o foco en que “cada vez máis temos máis voces no noso panorama musical mulleres que fan música con linguaxe propia, que lle poñen letra á nosa realidade e reivindicacións, que falan das diferentes formas de querer, e que son o exemplo de como xuntas somos máis e mellores”.
Habelas Hainas, mirada feminista e social
Habelas Hainas é un grupo de mulleres que é un exemplo do novo trad e folk galego, onde as mulleres van ocupando, cada vez máis, o protagonismo. O grupo nace en 2010 cando Arantza Alfaia, Patricia Gamallo, Jara Ortiz e Sandra Tamayo, cada unha delas cunha longa traxectoria no mundo da música tradicional, cruzan os seus camiños. Cantan dende unha óptica feminista e socialmente comprometida cun son enérxico e orixinal onde soa o tamboril, o bombo, darbuka, caixón flamenco, o bombo, a pandeireta , a gaita, a guitarra, o acordeón, os crótalos árabes e o pandeiro.
Boa acollida dos concertos
Este ciclo musical que lanzou a Deputación arrancou a súa primeira edición con boa acollida nas primeiras actuacións. O venres en Vilalba contouse co concerto de Laura LaMontagne & PicoAmperio; o sábado con Uxía na Fonsagrada, e De Vacas en Taboada. O concerto de Habelas Hainas clausura esta primeira edición na comarca da Mariña.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
