Viveiro, 7 de marzo de 2022. O Concello de Viveiro celebrou onte o desfile de Entroido, xunto co seu correspondente certame de disfraces. Deste modo, o concello repartiu diferentes premios entre os mellores disfraces presentados este ano.
“Agradecemos a gran acollida desta cita no primeiro ano que a celebramos tras a pandemia, así como o labor do xurado para escoller ás mellores opcións. A ilusión da cidadanía de Viveiro é o motor para que o noso Entroido sexa un éxito cada ano”, sinala a alcaldesa, María Loureiro.
En categoría individual adultos, o gañador foi “Zombie”, premiado con 80 euros. Completan os premios “La Domadora”, con 60 euros; Breijo, con 50 euros e “Jorobado de Notre Dame”, con 40 euros.
En categoría parellas adultas, gañou “La Loca Academia de Sanidad”, con 100 euros; mentres que “Filla dúas veces” recolleu o segundo galardón con 80 euros e “Luisa e Mercedes” o terceiro con 60 euros.
Na categoría de grupos adultos, “Os tarambainas” recibían o primeiro premio de 300 euros, mentres que “Comuna Hippie” lograba a segunda praza con 250 euros e “Repipis” a terceira con 200 euros.
A mellor carroza foi a de “Calaquitas”, premiada con 700 euros, mentres que “Mª Jesús y el Acordéon” recibiu o segundo premio con 300 euros.
En categoría infantil individual, “Lobezno” era o mellor disfraz, con 80 euros de premio; mentres que “O Principito” era o segundo, con 60 euros de premio, e “Peliqueiro” era o terceiro, con 50 euros de galardón.
A parella “O soño das elfas” recibía o primeiro premio por valor de 100 euros. Doutra banda, entre os grupos infantís, “Circo Fofu” era primeiro, con 300 euros de galardón; “Forzudo-Tuán” eran segundos con 250 euros de premio; mentres que “La Leyenda del Qujote” e “The Playa Team” eran terceiros e cuartos, con premios de 200 e 100 euros respectivamente.
Ademais, concedeuse un premio especial ao humor, valorado en 100 euros en vales no Centro Comercial Casco Histórico de Viveiro a “La Loca Academia de Sanidad”
Tamén se entregou un premio especial á orixinalidade, cun vale de 100 euros no Centro Comercial Casco Histórico de Viveiro a “La Leyenda de El Quijote”
Cómpre destacar que o Concello de Viveiro concedeu dúas axudas ás carrozas “Mª Jesús y el acordeón” y a “Calaquitas”, por valor de 200 euros cada unha.
O xurado estivo formado polas modistas Josefa Méndez Lage e María Dolores Polo Casal, o decorador Jesús Atadell Ferreira; Cruz Penso Gato, de Bágoas da Terra; e Saúl Jiménez, da Asociación Centro Comercial casco Histórico de Viveiro. A secretaria do xurado foi Rosario A. Basanta Gabeiras.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
