Compostela, 7 de marzo de 2022. A CIG ten convocadas, con motivo do 8 de Marzo, Día Internacional da Muller Traballadora, mobilizacións en 21 localidades para chamar a atención sobre a responsabilidade dos gobernos dos diferentes ámbitos na situación de desigualdade que seguimos padecendo as traballadoras en Galiza.
A secretaría das Mulleres da CIG responsabiliza aos gobernos da situación de precariedade que continúan a padecer as mulleres. Precariedade que é maior nos sectores máis feminizados. Por iso, reclama a valorización dos oficios relacionados cos coidados. Denuncia que é un negocio para empresas privadas que priorizan o lucro á costa dos dereitos das traballadoras e da saúde e benestar das persoa.
A central sindical interpela directamente as institucións, as empresas e os gobernos para que se efectivicen políticas de igualdade que dean resposta ás necesidades das mulleres traballadoras e rexeita que unha reforma laboral dun goberno considerado progresista careza de perspectiva de xénero e manteña as medidas de precarización impostas pola reforma do PP de 2012, mantendo o despedimento case de balde, a desregularización da xornada e as dificultades para escoller o horario das reducións, incorporando novos contratos de formación e prácticas que impiden a estabilidade e un novo contrato fixo-descontinuo en sectores moi feminizados.
MOBILIZACIÓNS
(A secretaria das Mulleres, Nicolasa Castro Monteiro, participará na mobilización de Ferrol)
1. COMARCA DA CORUÑA
A Coruña:ás 12h horas marcha a pé desde a delegación, praza de ourense
Cee: ás 12 concentración na praza 8 de marzo
Carballo: ás 12 concentración na praza do concello
2. COMARCA DE FERROL
Ferrol: ás 12 h marcha desde o local sindical ata a praza de Armas
As Pontes: ás 12 h concentración diante do concello
3. COMARCA DE COMPOSTELA
Compostela: ás 12 h marcha desde a praza Roxa
Ribeira: ás 11:30 h concentración na praza Pablo Neruda
4. COMARCA DE PONTEVEDRA
Pontevedra: ás 12 h marcha desde a praza da Ferrería
A Estrada: ás 12 h concentración na praza do Mercado .
Lalín: ás 12 h praza da Igrexa.
Vilagarcía: ás 12 h marcha desde a praza Galiza, rúa Covadonga, Arzobispo Andrade, rúa Castelao e remate praza Galiza.
Cambados: ás 12 h concentración na praza concello
O Grove: ás 12 h concentración diante concello(praza Corgo).
5. COMARCA DE VIGO
Vigo: ás 12 h marcha desde o cruce da Dobrada ata a Farola de Urzáiz
Porriño: as 11:30 h marcha desde a rotonda das Angustias
Cangas: ás 11.30 h marcha dende a Estación Marítima ata o concello
A Guarda: concentración ás 12 h na praza Avelino Vicente (As de Copas)
6. COMARCA DE LUGO
Lugo: ás 12 h concentración diante da Xunta de Galiza
Viveiro: ás 12 h concentración na praza da Fontenova
7. COMARCA DE OURENSE
Ourense: ás 12 h concentración nos Xardíns Padre Feixoo
Verín: ás 12 h concentración na praza do concello
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
