NOTA DE PRENSA:
O deputado mariñán Jose Manuel Balseiro rexistrou no Parlamento de Galicia unha iniciativa interesándose por esta situación que atribúe a unha manobra do Goberno bipartito galego para ocultar o deterioro real do sistema público sanitario na nosa comarca
SATISFACCIÓN NO PPdeG PORQUE SANIDADE RECTIFICA A SÚA POSICIÓN ACTUAL E ADQUIRE O COMPROMISO FORMAL DE NOMEAR A REPRESENTANTES DE ASOCIACIÓNS VECIÑAIS DA MARIÑA NA COMISIÓN SANITARIA DE PARTICIPACIÓN CIDADÁ DA ÁREA NORTE DE LUGO
* Os populares emprazan ao departamento que dirixe a socialista María José Rubio Vidal a ordenar, de xeito inmediato, a publicación dos novos nomeamentos no DOGA co obxecto de que os mesmos adquiran validez oficial.
* Esta é a primeira vez que Sanidade asume o seu “suposto erro” en sede parlamentaria, tras ser emprazados a facelo desde o Grupo Popular.
A Mariña, 06 de novembro de 2008.- O Partido Popular de Galicia amosou a súa satisfacción tras o anuncio efectuado polo secretario xeral do SERGAS Cayetano Rodríguez Escudero que se comprometeu hoxe, na Cámara autonómica, ao nomeamento de novos representantes veciñais procedentes de varios colectivos da Mariña lucense dentro da Comisión Sanitaria de Participación Cidadá, isto é, no organismo que ten encomendada a supervisión e control de calidade da actividade asistencial nos centros de saúde da área norte lucense e no Hospital da Costa.
Polo de agora, atendendo á orde publicada no DOGA o 10 de setembro de 2008, os representantes das asociacións de veciños nesta comisión sanitaria son persoas residentes na cidade de Lugo situación que, segundo o PPdeG, “supoñía un grave incumprimento da normativa vixente e un despropósito inaceptable que está a xogar en contra dos intereses dos veciños da nosa área sanitaria -denominada oficialmente Cervo Burela- e que abrangue todos os concellos da Mariña lucense excepto A Pontenova.
PRESIÓN DA SOCIEDADE MARIÑÁ
Malia que a Consellería de Sanidade atribuíu a esta circunstancia a un “erro” e xa adiantou que procedería a súa corrección, está é a primeira vez que Sanidade adquire o compromiso dun xeito oficial, máis en concreto, en sede Parlamentaria. Balseiro Orol, deputado popular autor da pregunta parlamentaria que foi obxecto de debate no día de hoxe atribúe esta rectificación da Consellería de Sanidade “ás presións recibidas desde a sociedade mariñá que non se conformaba con este novo exemplo de discriminación e desprezo por parte do Goberno galego”
O PP URXE A PUBLICACIÓN DOS NOVOS REGULAMENTOS NO DOGA
Se vén xa existe unha lista oficial cos futuros candidatos a ocupar os postos de representación veciñal da comisión sanitaria da área norte lucense -candidatura consensuada por aquelas asociacións veciñais que amosaron o seu interese en participar neste órgano-, o certo é que a día de hoxe o departamento que dirixe a socialista Maria José Rubio Vidal non ordenou a publicación destes novos nomeamentos no Diario Oficial de Galicia. Precisamente desde o Grupo Parlamentario Popular reclaman con urxencia efectuar este trámite de obrigado cumprimento “para que os novos nomeamentos poidan adquirir validez oficial”.
VONTADE DE OCULTAR A CRÍTICA SITUACIÓN ACTUAL
Finalmente, os populares amosaron a súa desconfianza en que, a situación da que estamos a falar sexa un erro, explicación na que insistiron no día de hoxe desde o SERGAS, e máis ben o atribúen a unha manobra da Xunta para evitar que os veciños da Mariña poidan xulgar a situación do sistema sanitario comarcal. “Temen que, conscientes da súa situación crítica e do empeoramento sufrido nos últimos anos, dean ao traste con todos os esforzos de propaganda que están a realizar desde o Goberno bipartito”
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
