Santiago de Compostela, 16 de marzo 2022. A portavoz nacional, Ana Pontón, citou aos medios nunha estación de servizo para explicar as propostas do BNG en relación á escalada de prezos, tendo en conta que os carburantes entraron na espiral inflacionista que está impactando de cheo nas familias, nas empresas e en sectores produtivos clave como a agricultura, a pesca e o transporte.
“A escalada de prezos segue imparable: luz, gas, carburantes, cun IPC marcando cifras que non se vían en décadas, de feito, hai que remontarse a 1992 para encontrar un aumento de prezos do 8%, como o que rexistro Galiza no último mes, aumento dos prezos que empobrece ás familias, afecta á competitividade das empresas e pon contra as cordas a moitos sectores produtivos que apenas empezaban a saír da crise”, indicou Pontón.
Precisamente no impacto nos sectores produtivo puxo o foco Pontón, con propostas encamiñadas a paliar os efectos da inflación nas explotacións agroganderias, na frota pesqueira que empeza a amarrar ou no transporte por estrada, “sectores que foron fundamentais durante a pandemia” pero que volven estar ó límite coa subida do gasóleo, da factura eléctrica ou co aumento de prezos en moitas das materias primas imprescindibles para a súa actividade, por exemplo os pensos no sector primario.
“A este ritmo e sen tomar medidas eficaces e urxentes, cantos negocios van verse forzados a baixar a persiana, cantas explotacións leiteiras están en risco, cantos barcos pesqueiros van quedar amarrados ou cantos transportistas van deixar o seu camión aparcado?”, interpelaba a portavoz nacionalista, antes de dar paso ás medidas que o Bloque pon sobre a mesa.
Para empezar, que se cumpra a Lei da cadea alimentaria e se impida a venda a perdas no sector agrogandeiro, para o que tamén o BNG propón a compra pública de pensos para garantir un abastecemento a prezos razoables; fixar un prezo máximo para a electricidade no sector primario e axudas extraordinarias ao sector gandeiro e pesqueiro a través do que se coñece como axudas mínimis, ás que non superan os 200.000 €, e que poden ser en forma de subvencións, préstamos ou deducións. Igualmente, no paquete de medidas destinadas ao sector primario, manter as bonificacións ao combustible da frota pesqueira.
En relación ós carburantes, o Bloque demanda que o Estado garanta o prezo dos hidrocarburos no límite que existía antes da escalada de prezos; a rebaixa de xeito temporal dos impostos a gasolina e gasóleo, distinguindo entre consumo doméstico e profesional, e reducir as peaxes en todas as autoestradas tanto as de competencia estatal como autonómica.
No que afecta á factura da luz, a formación nacionalista reclama unha actuación inmediata sobre o mercado enerxético, “poñendo fin ós beneficios caídos do ceo” que están derivando en plusvalías multimillonarias para o lobby eléctrico, e a posta en marcha da tarifa eléctrica galega que permita as familias e as empresas beneficiarse de ser Galiza rica en electricidade.
E no medio desta crise de prezos, que da outra volta de torca á situación económica derivada da pandemia, a líder do Bloque critica que o aínda presidente da Xunta siga de campaña electoral do PP mentres sectores produtivos enteiros están nunha situación límite.
“Pero en vez de estarse ocupando dos problemas dos e das galegas, Feixóo segue en campaña electoral para unhas eleccións do PP ás que só se presenta el. É evidente que a súa prioridade é o seu partido popular e as súas liortas internas e non Galiza, de tal xeito que se até o momento tiñamos un Goberno do PP e un presidente incapaz de dar solucións ós problemas do País agora temos un presidente ausente que sigue cobrando o seu salario dos galegos e das galegas mentres anda de mitins por España adiante”, recriminou Pontón.
Galiza “non se merece” este desprezo cando máis necesita un “goberno que tome decisións e se poña á fronte para poder dar alternativas a crise derivada da alza de prezos”, concluíu.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
