LUGO .- A Deputación adxudica provisionalmente a conservación da rede viaria ata 2012 por máis de 18,5 millóns de euros. O organismo provincial reestruturou o plan, pasando de 13 a 8 zonas co obxectivo reducir custes e de prestar un servizo máis eficaz ós veciños.
Nota de Prensa
A Deputación adxudica provisionalmente a conservación da rede viaria ata 2012 por máis de 18,5 M€
– Coa baixa e a mellora que presentaron as empresas e a mellora, o organismo provincial aforra máis de 5 millóns de euros
– En total, presentáronse 33 empresas, un 20% máis que en 2009, e a adxudicación produciuse mediante un procedemento aberto no que se garantiu a máxima transparencia e obxectividade
– O organismo provincial reestruturou o plan, pasando de 13 a 8 zonas co obxectivo reducir custes e de prestar un servizo máis eficaz ós veciños
– Gato Soengas subliña que fronte ó plan presentado pola Xunta para a implantación da eadministración, a Deputación, moito máis ambiciosa, consegue co Innova-TE dar unha maior cobertura en menos tempo
A Xunta de Goberno aprobou este venres a adxudicación provisional da conservación da rede viaria provincial para o que resta de 2010 e ata 2012 por importe de 18.515.253 euros. Esta cantidade é o resultado da adxudicación, do IVA e da mellora que presentaron as empresas. Precisamente, coa baixa e a mellora que presentaron as adxudicatarias, o organismo provincial aforra máis de 5 millóns de euros. O voceiro provincial socialista subliñou que “reestruturamos a conservación, pasando de 13 a 8 zonas. O obxectivo é, en primeiro lugar, reducir custes, xa que ó diminuir o número de zonas, tamén é menor o número de empresas adxudicatarias, o que significa que a adxudicación nos sae máis barata porque a mesma empresa encárgase de máis Concellos. En segundo lugar, prestamos unha atención máis eficaz ós veciños da provincia porque o servizo está máis centralizado”.
Gato Soengas destacou que o proceso de adxudicación rexiuse por un procedemento aberto, no que se garantiu a máxima transparencia e obxectividade. Para iso, seguíronse os seguintes criterios: prezo, mellora, medios materiais e persoais e certificado de calidade. “Precisamente, é a primeira vez que se lle pide á empresa este último, así garantimos que o servizo sexa máis eficiente”.
Un 20% de empresas máis que en 2009
Para a conservación das 8 zonas presentáronse 33 empresas, un 20% máis que en 2009. As que máis demanda rexistraron son as zonas 1 con 19 empresas, a 4 con 18 e a 3 con 17.
“Este aumento débese ó descenso en obra pública rexistrado durante o último ano. Dende que comezou a nova Xunta de Galicia, o investimento en obra pública caeu nun 60%, mentres que a Deputación aumentouna en 60 millóns de euros co Plan Extraordinario de Obra Pública”.
Adxudicación nas 8 zonas
A adxudicación provinsional nas oito zonas queda do seguinte xeito: Zona 1 (adxudicada á UTE J. Sanjurjo S-L-Carferlo S.L Formada polos Concellos de Vicedo, Viveiro, Xove, Cervo, Burela, Ourol, Muras, Xermade e Vilalba, que suman 530 quilómetros. Importe da adxudicación: 2.230.963 euros); Zona 2 (adxudicada a Isidro Otero. Formada polos Concellos do Valadouro, Foz, Alfoz, Barreiros, Lourenzá, Ribadeo, Trabada, Mondoñedo, Abadín, Riotorto, A Pastoriza e A Pontenova. Suman un total de 618 quilómetros. Importe da adxudicación: 2.888.374 euros); Zona 3 (adxudicada a Taboada e Ramos. Formada polos Concellos de Meira, Pol, Castro de Rei, Cospeito, Outeiro de Rei, Rábade, Lugo, Castroverde, Baleira, O Corgo, Láncara e Baralla. Estes Concellos suman 668 quilómetros, o que supón un custe para a Deputación de 2.786.191 euros); Zona 4 (adxudicada a Taboada e Ramos. Formada polos Concellos de (Guitiriz, Begonte, Friol, Guntín, Palas de Rei, Antas de Ulla, Monterroso, Portomarín, O Páramo, Sarria e Paradela. Neste caso, a Conservación afecta a 680 quilómetros e o investimento ascende a 2.594.652 euros); Zona 5: (adxudicada a Carballeira S.L. Os municipios incluídos nesta zona son: Ribeira de Piquín, A Fonsagrada, Negueira de Muñiz e Navia de Suarna. Estes cinco Concellos suman 332 quilómetros e a Conservación é de 1.715.506 euros); Zona 6 (adxudicada a Cymot S.A. Formada polos Concellos de Becerreá, Cervantes, As Nogais e Pedrafita do Cebreiro. Suman 334 quilómetros e un investimento de 1.742.236 euros); Zona 7 (adxudicada á UTE Misturas S.A-Xuncal S.L. Formada polos Concellos Triacastela, Samos, O Incio, Folgoso do Courel, Quiroga e Ribas de Sil. En total, 313 quilómetros e 1.593.584 euro); e Zona 8 (adxudicada a Rafer S.L. Formada polos Cocnellos de Bóveda, Pobra de Brollón, Monforte, Sober, Pantón, O Saviñao, Taboada, Chantada e Carballedo. Neste caso o investimento é de 2.963.747 euros e 738 quilómetros.
Outros acordos da Xunta de Goberno
A Xunta de Goberno tamén aprobou tres actuacións incluídas dentro do Plan de Obras do canon de Guntín por valor de 242.555 euros. Trátase do acondicionamento do acceso de Trasdulfe a Pradedo de Abaixo, dentro da anualidade 2008-2009, e a substitución de tubaxes do abastecemento de auga municipal financiada dentro das tres anualidades, así como o acondicionamento da Praza Nova, dentro da de 2010.
Tamén se deu o visto e prace á subvención 106.898 euros para a rehabilitación do viario do núcleo de Ligonde, no Concello de Monterroso, así como a 11 contas xustificativas do Plan de Comunidades Veciñais de 2009 menos 1 de 2007. Suman un total de 128.283 euros dos que a Deputación achega 79.611. Pertencen ós Concellos de Pol, Becerreá, Cospeito, Castro de Rei, Castroverde, Chantada, Quiroga, Vilalba, Viveiro, Monforte de Lemos e Outeiro de Rei.
Implantación da administación electrónica
Fóra da Orde do Día, o voceiro provincial socialista tamén se referiu ó anuncio da Xunta sobre os 9,1 millóns de euros que investirá ata 2013 para a implantación da administración electrónica en Galicia, xa que o proxecto do organismo provincial, o Innova-TE, é moito máis ambicioso. “Alegrámonos de que o señor Feijóo copie á Deputación de Lugo, pero faino tarde e mal. Neste programa terán entón que incluir ós 15 Concellos do PP que nos adheriron á nosa iniciativa, ó mellor eran sabedores de que a Xunta ía por outro camiño. O certo é que agora tócalles esperar ata o 2013, mentres que a Deputación vaino facer moito antes que o señor Feijóo e sen discrimación”.
Neste senso, citou varios exemplos:
1.- Mentres a administración autonómica realiza este investimento a longo prazo, a Deputación cos mesmos cartos implantará a administración electrónica en menos dun ano, o que lle permitirá se a primeira administración galega que ofrece unha solución integral para a eadministración, convertendo ás Casas Consistoriais em sedes electrónicas.
2.- Co Plan autonómico só se poderán realizar 85 procedementos telemáticos, co da Deputación 120, é dicir, 35 máis. Asimesmo, destes 120, 75 xa se están implantando.
3.- Con respecto á cobertura do proxecto: tan só a Xunta levará a cabo 10 procedementos en 105 Concellos e o da Deputación 80 para 51 Concellos.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
