Ribadeo, 5 de abril de 2022. O Concello abrirá proximamente o proceso para a concesión de 3 postos no interior da praza de abastos ribadense, co obxectivo de que a ocupación sexa do total da súa capacidade. Pablo Vizoso, concelleiro de Desenvolvemento Local, subliñou que o Concello busca así ampliar a oferta existente neste espazo apostando pola diversificación, pola innovación, pola sostibilidade e pola creación de emprego.
O edil ribadense contou que “o Concello abrirá proximamente o proceso para a concesión de 3 postos no interior da praza de abastos de Ribadeo, co obxectivo de que a ocupación dos postos sexa do total da súa capacidade”.
Pablo Vizoso manifestou que “con este proceso búscase ampliar a oferta existente neste espazo apostando pola diversificación, pola innovación e pola a sostibilidade dos postos que se asenten e tamén pola creación de emprego”.
O concelleiro de Desenvolvemento Local dixo: “consideramos desde o Concello que o momento actual é o máis axeitado para facer este proceso, xa que a alimentación de proximidade ten máis sentido ca nunca. Coñecedores tamén do papel que xogan nas vilas coma Ribadeo este tipo de espazos dinamizando as contornas e tamén dinamizando e axudando ao sector primario, entendemos que a praza de abastos debe ser un lugar abandeirado e de referencia no consumo alimentario de Ribadeo, que aposte por postos que diversifiquen e que á súa vez integren valores diferenciais na súa oferta e na súa marca como produto local e de proximidade, que abonden na sostibilidade e na economía circular promovendo así o atractivo da praza de abastos coma lugar e referente de venda principal dos produtos alimenticios e dos produtos de proximidade de Ribadeo e por suposto promovendo a actividade comercial e o incremento do emprego”.
Vizoso Galdo engadiu que “deste xeito o Concello quere adiantarse con esta nova á publicación da apertura do proceso de concesión e de ampliación no seu afán de transparencia e de informar con antelación para que as persoas interesadas e emprendedoras conten co tempo suficiente para preparar as súas propostas”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
