Burela, 29 de abril de 2022. O Concello de Burela, a través da súa delegación de Mar, informa de que xa está en marcha a obra de rehabilitación do muro da antiga conserveira, na rúa do Berbés, cedido para o Concello pola Confraría de pescadores co fin de realizar o proxecto Burela-IN, subvencionado polo Grupo de Acción Local do sector Pesqueiro (GALP).
A concelleira de Mar, Carmela López, explicou que “a obra consiste en acondicionar esta parede para facer un mural co proxecto gañador no concurso artístico Burela-IN da man dos artistas locais Martín Lestao e Belén Mogo, aos que lles agradecemos non só a súa proposta, senón o seu grao de implicación e compromiso coa iniciativa”.
Ambos artistas xa se atopan traballando no taller para confeccionar algunhas partes do mural, que reflicte o carácter mariñeiro da vila, no que se empregarán materiais en desuso como redes e gres. Para iso, ao abeiro da parte artística do proxecto Burela-IN, visitaron en semanas pasadas a antiga fábrica de gres, onde seleccionaron restos de material, así como a nave de redeiras, onde puideron inspirarse en canto ás artes de pesca.
Neste senso, López amosouse satisfeita coa “colaboración de todas as entidades implicadas no proxecto Burela-IN, que aglutina ao sector pesqueiro, entidades de inclusión e concello, contando ademais con outras aportacións como a da Asociación Tá en Artes e Neira Brochs, que se sumaron nesta iniciativa social, artística e de economía circular”. “Nesta segunda anualidade establecemos dúas liñas de traballo, por unha banda a rehabilitación do muro da antiga conserveira, e por outra, unha mostra itinerante que vai liderar a Asociación A Mariña sen plástico, e da que iremos dando máis información”.
Burela-IN
O proxecto promove a integración social, contribuíndo a reforzar o dinamismo social, económico e ambiental da zona costeira, nomeadamente de Burela. Foméntase con ese fin a colaboración entre o sector pesqueiro, entidades de inclusión e o Concello, deseñando un plan de economía circular, que se centra no aproveitamento dos recursos ou refugallos das actividades pesqueiras para darlles unha segunda vida.
Articúlase así un traballo en rede desde a perspectiva da integración social e a nivel municipal, incluíndo confrarías e outras entidades do sector pesqueiro con asociacións de inclusión, así como colectivos sociais, culturais, ambientais, etc.
Veñen deseñando en conxunto diferentes programas e actividades, como o concurso artístico Burela-IN para o arte mural con materiais reciclados do sector pesqueiro, ou a que se ten prevista realizar nesta anualidade, traballando na creación dunha mostra itinerante que conciencie sobre a problemática dos plásticos no mar.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
